Skip to main content

albisteak

Martxoaren 3an, Gasteizen, emakumeak protagonista

2018-03-02

Emakumeek protagonismo berezia izango dute martxoaren 3an, Gasteizko gertakarien 42. urtemugaren harira antolatuko diren omenaldietan eta mobilizazioetan. Sindikatuek kutsu berezia eman nahi diete aurtengo mobilizazioei, eta herri mugimendu eta eragile sozialekin partekatu nahi dute egun horretako protagonismoa. Martxoak 3 elkarteak ere, 42. urtemugarako planteatutako ardatzen artean kokatu du emakumeen borroka.

ASTEKO KRONIKA: pisu turistikoen jabeen eta auzokideen kexa artean, etxebizitza turistikoen ordenantza Donostian

2018-03-02

Donostiako Udalak pisu turistikoak erregulatuko dituen udal ordenantza onartu du, EAJ eta PSEren aldeko botoekin. Aurkakoa eman dute oposizioko alderdiek: EH Bilduk, PPk eta Irabazik. Arau berriak Donostiako eremuetan banatuko ditu alokairu turistikoak. Eneko Goia alkatearen esanetan, pisu turistikoen fenomenoari erantzun egokia emango dio, turismo iraunkor eta kalitatezkoa lortzeko bidean. Parte Zaharrean Bizi elkarteko Xabier Arberasek, eta auzokideekin adostasunak bilatu ez izana leporatu dio Donostiako Udalari.

Gai horri eta beste zenbaiti erreparatu diegu aste honetako albisteen errepasoan.

Etxebizitza turistikoen ordenantza berria onartu du Donostiako Udalak

2018-03-01

Donostiako Udalak pisu turistikoak erregulatuko dituen ordenantza onartu du, EAJ eta PSEren aldeko botoekin. Arau berriak Donostiako eremuetan banatuko ditu alokairu turistikoak. Alde Zaharra eremu betetzat joko du. Aldiz, eskaera handiko eremu gisa izendatuko ditu Erdigunea, Gros, eta Antiguo nahiz Egia auzoko eremu batzuk. Horietan, pisu turistikoak lehen solairuetan soilik ezarri ahalko dira, eta ezingo dute 250 metro karratu baino handiagokoak izan eraikin bakoitzeko.

Kaosaren poza eta eragozpena ekarri ditu elurrak

2018-02-28

Elurteak ia dena geldiarazi, ala berederen, atzeratu du gurean gaur. Onerako eta txarrerako: txanponaren bi aldeak ikusi baititugu. 65 urteko gizonezko bat hil da Galdakaon, kalean oinez zihoala, erori, eta buruaren atzeko aldearekin lurra jota. Bestalde, emakume bat hilik aurkitu dute gaur goizean Arbonan, gidatzen ari zen ibilgailuaren barruan, bihotzekoak jota. Garraioan, errepide sarean, irakaskuntza eta osasun zerbitzuan ere eragin du elurteak. Horiek eragozpenak; baina gozatu ederra ere hartu du herritar askok gaur elurrarekin.

Udatik aurrera, bisitarientzako ikusgai egongo da Mutrikuko Arrieta jauregia

2018-02-28

Mutrikuko Arrietakua jauregiak ateak zabalduko dizkie bisitariei, udatik aurrera. Jauregiko jabea den Enrike Areilza Txurruka Mutrikuko kondeak, Jose Angel Lizardi alkateak eta Denis Itxaso Gipuzkoako Kultura diputatuak sinatu dute horretarako hitzarmena. Uztaileko lehen egunean zabaldu eta abuztuaren 31n itxiko dute udako aldia. Bitarte horretan astean bi aldiz zabalduko dute aurretiaz antolatutako bisitentzat, lehenetsi dutelako ondarea zaindu eta mantentzea.

Eusko Jaurlaritzaren esku geratuko da duela bi hamarkada itxitako 'Egin'-en ondarea

2018-02-27

Eusko Jaurlaritzako Kultura Ondarearen Zuzendaritzak Egin egunkariaren ondare dokumentala Euskadiko Artxibo Historikora eramango du, Eusko Jaurlaritzak Espainiako Auzitegi Nazionalari baimena eskatu eta hark baietza eman ondoren.

Teresa Toda Egin-eko zuzendariordearen hitzetan, berandu etorri da albistea, eta zalantza du material horretatik gehiena kaltetua egongo ez ote den. Hala ere, salbatu daitekeena babestea egokia iruditzan zaio, baina argi utzi du urte gehiegi pasatu direla ezer egin gabe.

 
bannerra

bannerra