Skip to main content

albisteak

'Preso politikoak egungo Espainian' erakusketa, Errenterian

2018-05-14

Santiago Sierraren Preso politikoak egungo Espainian obra Errenteriako Reina areto berrituan ikus daiteke maiatzaren 26ra arte. ARCOk zentsuratu zuen artelana “adierazpen askatasunaren defentsa argia” egiteko ekarri du herrira Errenteriako Udalak, adierazpen askatasuna edozein gizarte demokratikoren zutabeetako bat dela uste dutelako. 

Hainbat esparrutan polemika eragin duen argazki bilduman, besteak beste, Solidari@s talde ekologistako kideak, La bruja y don Cristobal lanarengatik atxilotu eta epaitu zituzten titiriteroak, Egin egunkariko zuzendariak, politikari katalanak, edo Altsasuko gazteak ageri dira. Eta bertan ere ikus daiteke 2017ko martxoaren 11n Iruñean atxilotu zituzten Errenteriako gazteetako baten erretratua ere. 

Sierrak doan ekarri du bere artelana Errenteriara eta Frantxis Lopez Landatxeren arabera, gaiak azaleratzea da artistaren helburua, ez zirikatzea. 

Azken aldiz Lleidan, Katalunian, ikusi ahal izan da eta 7.000 bisitari izan ditu han. Errenteriako kasuan, maiatzaren 26ra arte egongo da ikusgai, baina erakusketari eduki zabalagoa eman nahi izan dio Udalak. Horregatik, adierazpen askatasuna ardatz izango duten mahain inguruak antolatu hilaren 17rako eta 21erako. 17koan, Garbiñe Biurrun epaileak eta Martxelo Otamendi Berria egunkariko zuzendariak parte hartuko dute. 21ekoan, berriz, Mariano Ferrer, Lourpes Perez eta Dani Alvarez kazetariak arituko dira solasean.

Gizarteak gatazkaren biktimekiko duen zorra bere egin du Foro Sozialak

2018-05-14

Maroñoko elkarrizketen 25. Urtemugan, bakearen usoaren eskulturaren parean egin du agerraldia Foro Sozial Iraunkorrak, eta 1993an hainbat eragilek bakea eraikitzeko proposatutako alde askotako elkarrizketen dinamika haren balioa nabarmendu dute bertako kideek.

Ba ordutik mende laurdena igarota, egoera soziala aldatu dela uste dute Foro Sozialeko kideek, besteak beste, joan den maiatzaren 3an ETA erakundeak desegitearen berri eman zuelako. Prozesu horretan Foro Sozialak eta beste hainbat eragilek egindako sustatzaile lana ekarri dute gogora.

Edonola ere, indarkeria adierazpen orok eragindako biktimengan jarri du arreta Foro Sozialak. Gizarteak haiekiko zor handia duela zehaztu dute, lan handia geratzen dela egiteko. Biktima guztiek dutela egia, erreparazioa eta justizia jasotzeko eskubidea eta inork ezin duela baztertuta sentitu.

Bakartxo Ruiz: "Nafarroan jarraituko dugu lanean biktimen aitortza lortzeko"

2018-05-14

78ko Sanferminetan gertatutakoa argitzeko helburu zuen lege proposamena atzera bota du Madrilgo Kongresuak PP, PSOE eta Ciudadanos-en botoekin. Marian Beitialarrangoitia EHBilduko diputatuak salatu du Alderdi Popularrak biktimekiko erakusten duen gutxiespena. Nafarroako Parlamentuak ia aho batez onartu zuen egitasmoa, baina gertakariak argitzeko Estatuak borondaterik ez duela adierazi du Bakartxo Ruiz parlamentariak. Hortaz, Nafarroan bide horretan lanean jarraituko dutela gaineratu du.

 

Red volution, BOGA eta La Calavera garagardo ekoizleen arteko elkarlana

2018-05-14

Boga gazte kooperatiba 2014. Urtean sortu zen, mundu mailan sortzen ari zen garagardo artisau korronte berri horri aletxo bat jarri nahian , berezitasun baztuekin  Eusakal Herriko produktuen erabilera  eta ekonomi sozial eraldatzaile ikuspegia izanik.

Red volution  elkarlanean ekoiztutako garagardoa da, La calavera, gargardo ekoizle katalandarrarekin batera.

Bi garagardo ekoizle arteko harremana Bartzelona Big festivala sortu zen, jaialdiko kop57 finantza etikoan oinarritzen den kop57 laguntzaz sortutako 2 garagardo ekoizle bakarrak ziren  eta beraien arteko elkarlana derrigorrezkoa zen.

Red volution arrakasta haundia daukan America  ipa garagardoaren barietate bat, bere berezitasuna kolore gorria da, baina Red volution  arrosa kolorekoa izango da.

Lurraldearen oreka eta iraunkortasuna jomugan

2018-05-10
Euskal Herriak lurralde mailako inertzia handiak bizi ditu, bere baitako zenbait komunitateren iraunkortasuna auzitan jartzen dutenak: udalerri txikiena eta iragan industriala izan duten horiena, batez ere. Lurraldea desorekatzen ari da, eta horren aurrean, erne egon, eta erantzun eraginkorrak emateko garaia da.
Euskaraldian enbaxadore izango direnen hamaikakoa aurkeztu dute Donostian

2018-05-10

Donostiako hainbat eragilek bat egin dute Euskaraldiarekin, udalaren eta Bageraren gidaritzapean. Euskararen enbaxadoreen hamaikakoa aurkeztu dute, erreferentziazko lagunez eta egitasmoko partaideez osatua. Hizkuntza ohituren aldaketa norbanakoen hautuak eta erakundeen babesak eragingo duela esan dute.

 
bannerra

bannerra