Landakoenea

Azken eguna izanda, Azokak eman duenaren balorazio eguna dugu gaurkoa. Lehen balorazioak batu ditugu. Salmentei eutsi egin diela esan digute eta ostirala izan zela erosle gehien batu zituen eguna.

Jendeak zer aurkitzen du Durangoko Azokan urtean zehar topatzen ez duena? Hauxe duzue bisitarien iritzia.

Atzo eman zion Gerediaga elkarteak Argizaiola saria William Douglassi, Szenatokia gunean. Euskararen eta euskal kulturaren alde egindako lana aintzat hartzeko Gerediaga elkarteak ematen duen goraipamena da Argizaiola saria.

Musikari eta disketxeetako arduradunekin binilo berriak eta zaharrak errepasatzen ibili gara. Biniloa berriz ere modan?

Durangoko Azokak euskaldun eta euskaltzaleen artean duen garrantziaz jabetu gara Durangon egindako kale inkesta honetan. Zergatik Durangoko azokara?

Durangoko Azokak bere ateak itxi aurrez, laugarren eta azken saioa osatu genuen. Disko eta liburu azoka izanagatik ere, musikak hartu ditu minutu gehiago gure saioan. Oraingoan, KX bikotea, Eskean Kristö eta Skakeitan taldeak elkarrizketatu genituen, eta Altxatu banda gaztearen berri izan genuen. Literaturari dagokionez, Xaier Mendiguren idazlea elkarrizketatu genuen Juan Luis Zabala Berriako kazetariarekin batera. Gainera, hainbat erreportaje eskaini genituen. Hala nola, euskarazko itzulpengintzaren uzta, "Euskara Gara" egitasmoa eta eguneroko inkesta.