Skip to main content

40 urte

Joxe Anjel Iribar, konpromisoaren ikur

2020-06-01
40 urte bete dira Joxe Anjel Iribar handiak erretiroa hartu zuenetik; 1980ko maiatzaren 31ean, San Mamesen jasotako omenalditik eratorritako dirua euskarazko lehen kirol hiztegia osatzeko eman zuen zarauztarrak. Bere figura, hiztegi hori sortzeko, UZEIko lantaldearekin batera, Iñaki Elorzarekin hitz egiteaz gain, konpromisoaren inguruko ertzak aztertu ditugu Patxi Xabier Fernandezekin batera.
Helburu berdinekin baina nostalgiarik gabe, gazte mugimendua molde eta erronka berriak lantzeko asmoz

2018-12-17
2019ko apirilaren 19tik 22ra bitartean, Ernai eta Aitzina antolakundeek bultzatuta, Gazte Topagunea egingo dute Lemoan. Euskal Herriko gazte mugimenduaren sorkuntzaren 40. urteurrenaren harira, bertan militatzen edo militatu duten Iratxe Delgado, Ibon Meñika eta Karlos Renedo elkartu ditugu, ibilbide historiko errepasatzeko baino, aurrera begirako erronkak aztertzeko asmoz.
EGUNEKOA: politika, gizarte eta kirol albisteen bilduma

2018-12-03
Arlo politikoan, EH Bilduk eta Sortuk Espainiako Konstituzioaren 40. urtemugaren atarian egindako adierazpenei eta 'De Miguel auziko' defentsako akusatuak esandakoei erreparatu diegu. Gizarte gaietan, Nafarroaren Eguneko Iruñeko ekitaldien eta Bilboko Biziprest egunekoen berri jaso dugu. Azkenik, Alberto Uribe-Etxeberriak Athleticeko presidente izateko hautagaitza aurkeztu izanaren berri jaso dugu.
Lemoan izango da Jarrairen 40. urtemugako Gazte Topagunea

2018-11-22

Aitzina eta Ernai gazte antolakundeek antolatuta, Lemoan egingo dute 2019ko Gazte Topagunea, apirilaren 19tik 22ra. Hala argitu dute azken egunotan sarean sortutako misterioa, non egingo den gazte antolakundeen sorreraren 40. Urtemugako topagunea. ‘Porra’k eta apustuak egin dituzte azken egunotan sare sozialetan, taberna eta gaztetxeetan, tokia asmatzen ahaleginduta. ‘Askatasun bulkadak independentziara!’ lelopean, Arratiako herria «aldarri, borroka, kolore, bizipoz eta doinuz» bete nahi dute.

Jarrairen sorreratik 40 urtera izango da, beraz, Lemoako topagunea eta 2019ko udaberriko data borobila baliatuko dute Aitzinak eta Ernaik egun ezker abertzaleko gazte mugimenduan ari direnak, aurrez aritutakoak eta etorkizunean arituko direnak batzeko, irailean Leitzan adierazi zutenez.

Lemoako topaguneaz hedabideetara igorritako oharrean, herriarenganako konpromisoz, eskuzabaltasunez eta maitasunez Euskal Errepublikaren zimenduak eraikitzen ari direla nabarmendu dute eta «bulkada berrien garaia» dela iruditzen zaie, gazteen garaia, alegia.

Apirileko zita «inoizko bereziena eta ahaztezina» izateko ahalegina egingo dute. Eskaintza anitza eta zabala izango dela ziurtatu dute: hitzaldiak, mahai inguruak, mintegiak, formazio tailerrak eta abarrak antolatuko dituzte. Baita Euskal Herriko eta nazioarteko musika taldeek osatutako «festibal erraldoia» ere. Berezitasun gisa, berriz, Gazte Sortzaileen Plaza atontzeko asmoa iragarri dute. Euskal Herriaren kultur eraikuntza irudikatuko dute musika, bertsolaritza, literatura, marrazkigintza eta beste hainbat diziplinatan lanean ari diren gazte sortzaileen eskutik. Hori guztia eraikitzeko, noski, ezinbestekoa izango da auzolana eta, lehen aldiz, auzolan egun bateratuak egingo dituzte Lemoan.

Guardia Zibilak Aranburu, Iturrioz eta Larrea erail zituenetik 40 urtera, zigorgabetasuna salatu dute Arrasaten

2018-11-16

Guardia zibilek eraildako Jose Mari Iturrioz 'Zapa', Roberto Aranburu eta Emili Larrea omendu dituzte Arrasateko Udal plazan eta Kulturate aretoan, haien heriotzatik 40 urtera. Arrasatearra zen Larrea, Garagartzakoa Aranburu eta Legorretan sortua Iturriotz. Komando Autonomo Antikapitalistek Aretxabaletako kuartelaren aurkako ekintza egin ondoren erail zituzten.

Franco diktadorea hil ondorengo urte horietan, ugari izan ziren poliziek egindako hilketa argitu gabeak eta gauza bera gertatu zen Arrasatekoarekin ere. Iturriotzekin eta Aranbururekin batera zihoan kidea, Kike Zurutuza, larri zaurituta baina bizirik atera zen.

Hilketen ondoren, hainbat arrasatearrek ikerkuntza katezaritza egin zuten, eta horren emaitza izandako txostena zabaldu zuten jendartean. Eta urtemugak ere balio izan du inpunitatea salatu eta gertaeren inguruko oroimena berpizteko. Hain justu, hildako batzuk gogoratzeko eta beste batzuk ezkutatzeko joera salatu du Marian Beitialarrangoitia EH Bilduko diputatuak Arrasateko ekitaldian.

Espainiako diputatuen kongresuko ordezkari izanik, Madrilerako joan etorrietan ikusi ahal izan du Espainian ere jartzen dela bertsio ofiziala zalantzan.

EGUNEKOA: gizarte, politika, memoria eta kultura albisteen bilduma

2018-11-05
Hego Euskal Herriko urriko langabezia datuei eta pentsiodunen aldarrikapenei erreparatu diegu gizarte gaietan. Arlo politikoan, berriz, EH Bilduk Espainiako Konstituzioaren 40. urtemugarako Bilbon antolatu duen manifestazioa eta España Ciudadana plataformaren Altsasuko ekitaldiaren ondoren erreakzioak jaso ditugu. Azkenik, Espainiako Gobernuak frankismoan fusilatuez Paco Etxeberria auzi medikuari eskatutako txostena eta Donostiako Literaktum jaialdiaren hemezortzigarren edizioa aipatu ditugu memoria eta kultura gaietan.
 
bannerra

bannerra