Azken bideoak: Politika

Eusko Legebiltzarraren XII. Legegintzaldiaren hasierak markatutako egoera honetan, Foro Sozial Iraunkorreko Agus Hernan, Teresa Toda eta Tasio Agirrezabalagak talde politikoek oraindik askatzeke dauden korapilo nagusien inguruan dituzten jarrera eta proposamenak aztertu dituzte.

Emakunderen kokapen organikoa aldatu egin da Eusko Jaurlaritzaren egitura berrian, eta aurrerantzean ez da egongo Lehendakaritzari atxikita. Iñigo Urkullu Jaurlaritzako lehendakariak bere sailetik atera du institutua, eta Gizarte Politiken Sailaren esku utzi du. Erabakiari kritika zorrotzak egin dizkiote talde feminista ugarik. Besteak beste, Euskal Herriko 70 talde feministak baino gehiagok agiri bateratu bat kaleratu dute neurria salatzeko. Plazandreok plataformak ere bat egin du idatziarekin. Eta, kide den Arantza Camposek azaldu bezala, «hanka sartze itzela» izan da Jaurlaritzak hartu duen erabakia. Gainera, gehitu duenez, ez dago ulertzerik aldaketa zertara datorren.

EH Bilduko Mertxe Aizpurua kongresuko bozeramailea eta Pablo Iglesias Espainiako Gobernuko bigarren presidenteordea aurrekontuez hitz egiteko bildu dira. Aizpuruak hiru baldintza jarri dizkio mahai gainean Iglesiasi: lurralde auziari irtenbide demokratikoa ematea, krisialdi ekonomikoari irtenbidea ematea langileak kaltetu gabe eta salbuespenezko espetxe politika amaitzea.

Emakunde Lehendakaritzako egituratik ateratzeko erabakiak ezinegona eragin du eragile feministengan, baita kezka eta harridura ere. Horren aurrean Eusko Jaurlaritzak hartutako erabakian atzera egiteko eskaera egin zuten. Era horretara, Emakunde lehengora itzuli dadin, Lehendakaritzari berriro atxikituz. Urkulluk, ordea, bere horretan mantentzea erabaki du.

Subiranistek adierazi dute aurrekontuak kurtso politiko batean dauden legerik garrantzitsuenak direla, hor finkatzen baitira non eta zein lehentasunekin egingo diren gastu publikoak. Madrilera begira, aurrekontuez gain, Otegik nabarmendu du datozen urteetako norabide politikoa jokoan dagoela.

EPPK-k «samina» azaldu du Gonzalez Solaren heriotzarengatik, eta gaineratu du egungo espetxe politika «gizagabeak» arduradun «zehatzak» dauzkala. Kolektiboaren agiria larunbatean Sortuk Haserre Eguna deituriko ekimena eta gero iritsi da. Ekintzan, salbuespenezko kartzela-politikaren ondorioz hildako 49 euskal herritarren aurpegiek Espainiako Gobernua interpelatu dute Bilbon duten egoitzan, Igor Gonzalez Solaren heriotzaren ostean egindako gau batean.