Azken bideoak: Politika

EAJren eta PSEren barne erakundeek astelehen honetan berretsiko dute Iñigo Urkullu buru izango duen koalizio gobernu baten formula errepikatzeko bi alderdiek itxitako ituna, eta une horretatik aurrera jakingo da bakoitzak Gobernu berrian duen benetako pisua.

2020-2021 kurtsoaren irekiera ekitaldian Arnaldo Otegik erronka nagusiak azpimarratu ditu eta lehentasun bezala nabarmendu du herriaren eskubideak defendatuko dituztela. Horretarako eta erabakiak hartzeko, burujabetza behar dela argi utzi du bozeramaileak. Horrez gain, esan du, du "balore gehituak" eskaintzen dituela alderdiak euskal politikagintzan, "alternatiba" dela, "Gobernu eta Estatu bokazioa" duen koalizioa.

Nafarroako Gobernuak eta Nafarroako Memoriaren Institutuak udaberrian Larrasoañan aurkituriko preso gaztelarraren aldeko omenaldia antolatu dute.

Lehendakariaren inbestidura saiorako hautagaitzak aurkezteko azken egunean, hilaren 28an, Iñigo Urkulluren eta Maddalen Iriarteren hautagaitzak erregistratu dira parlamentuan. Izan ere, datorren ostegunean, irailaren 3an egingo dute Eusko Jaurlaritzako lehendakariaren inbestidura saioa, eta egun horretan bi hautagai izango dira: Iñigo Urkullu jarduneko lehendakari eta EAJren lehendakarigaia, eta Maddalen Iriarte Euskal Herria Bildukoa.

Halaxe ziurtatu du Arnaldo Otegi koordinatzaile nagusiak Onda Vascan eskainitako elkarrizketan. Azaldu duenez, erantzukizun politikoagatik aurkeztuko da Iriarte, nahiz eta jakin ez duela babes nahikorik lehendakari izateko, EAJ eta PSE-EEren arteko akordioa erabatekoa baita Urkullu izendatzeko.

EAJk eta PSEk koalizio gobernua osatzeko ituna sinatu dute datorren legegintzaldirako, eta datozen orduetan emango dute adostutakoaren berri era ofizialean.