Azken bideoak: Politika

Gurean Gaur saioaren elkarrizketa atalean, Pernando Barrena Sortuko kidea izan dugu. Gaurkotasun politikoa errepasatu dugu berarekin. Besteak beste, filtrazio bidez iritsi den ETAren adierazpena eta ezker abertzaleak EAJrekin duen harremanaz Bilboko manifestazioaren ondoren.

10 urte eta gero Bilboko Konpartsetako aratusteetako desfilea Gran Via kalean egingo da. Ohar bidez jakinarazi dute berria  Bilboko Konpartsek. Atzoko Batzorde Mistoan adostu zuten desfilea aipatutako kaletik egingo zutela, eta alderdi politiko guztiek euren aldeko bozka eman zuten PPk izan ezik. Bilboko Konpartsek berriaren aurrean euren poza azaldu zuten.

Jose Antonio Ardanza EAJko lehendakari ohia eta Ramon Jauregui PSOE alderdiko lehendakariorde izandakoa Radio Euskadin mintzatu dira eta besteak beste presoen auzia izan dute hizpide. Biek egin diote kritika Espainiako Gobernuak gai horretan duen jokabideari. Ardanzak esan duenez, zauria ez da itxiko presoak espetxean usteltzea nahi bada.  Jaureguik , presoen gaia modu "natural eta burutsuagoan" kudeatzeko eskatu dio PP alderdiari.

Pasa den larunbatean, Bilbon egindako manifestazioa izan dugu hizpide. Horrez gain, joan den asteazkenean atxilotutako EPPK-ko zortzi bitartekarien espetxeratzeaz hitz egin dugu. Solaskideak: Iñaki Zarraoa (EAJko kidea), Beñat Zarrabeitia (kazetaria) eta Iker Bizkarguenaga (kazetaria).

Gurean Gaur saioaren elkarrizketa atalean, Itxaso Atutxa EAJren Bizkai Buru Batzarreko lehendakaria izan dugu. Patxi Lopezek EAJri egindako kritikak izan ditugu abiapuntu. Era berean, jeltzaleek ezker abertzalearekin duten harremana, Bilboko manifestazioaren ondorena eta Bake eta Bizikidetza planaren norabideaz aritu gara.

Espainiako Auzitegi Nazionalean deklaratu du Naia Zuriarrain deustuarrak, ustez Asier Arzallus Goñi presoari Sevilla II espetxera "ETAren aginduekin" ohar bat eramatea egotzita. Deklaratu ostean, ordea, aske utzi du Eloy Velasco epaileak eta ez du haren kontrako neurririk hartu. EPPK-ren bitartekari taldeko zortzi kide espetxera bidaltzearekin batera, Zuriarrain inputatu zuen aipatu epaileak.