Azken bideoak: Politika

Gurean Gaur saioaren elkarrizketa atalean, Pello Urizar EH Bilduko legebiltzarkidea eta EAko idazkari nagusia izan dugu. Gaurkotasun politikoaz aritu gara berarekin. Bilboko manifestazioaren ondorengo egoerari erreparatu diogu.

Etxerat-ek agerraldia egin du Donostian. EPPKren bitartekarien kontrako operazioa euskal presoen eskubideen alde lan egiten dutenen aurkako kriminalizazioa izan dela salatu dute elkarteko kideek. Senide izateagatik inputatzea eta zigorrak jartea ez dutela onartuko ohartarazi dute. Bestalde, larunbatean egin zen manifestazioari dagokionez, hori dela konponbiderako bidea azaldu dute eta eragileei bide beretik jarraitzeko eskatu diete.

Gurean Gaur saioaren elkarrizketa atalean, Maiorga Ramirez Nafarroako Bilduko parlamentari eta EAko kidea izan dugu. EPPK-ko bitartekarien espetxeratzeaz, Bilboko manifestazioaz eta Nafarroako egoeraz hitz egin dugu berarekin.

Gurean Gaur saioaren elkarrizketa atalean, Asier Blas politologoa izan dugu. Independentzia prozesuen inguruan hitz egin dugu berarekin. Askok uste dutenaren kontra, krisiak independentzia prozesuetarako bidea irekitzen duela uste du Blasek, are gehiago, une aproposena dela baieztatu du.

EPPK-ko bitartekariak espetxeratzeko agindua eman du Espainiako Auzitegi Nazionaleko epaile Eloy Velascok. Kartzelan sartzeko arrazoien berri eta pasa den asteko atxiloketa zein erregistroen nondik norakoak ezagutu ditugu Ainhoa Baglietto abokatuaren bitartez. Hemen duzue bere bulegoan berarekin izandako elkarrizketa laburra.

La Casillatik abiatu eta Bilboko udaletxera iristeko denbora dezente behar izan zuen manifestazio buruak. Halere, pixkanaka eta "Giza eskubideak. Konponbidea. Bakea" lema zeraman pankarta eskuan, ibilbidea jendez inguratuta egin ahal izan zuten. Harrigarria da parte hartu zuen jende kopurua.