Azken bideoak: Politika

Herritarrek manifestazioaren garrantzia eta honen leloa goraipatu dituzte. Konponbidea bilatzea beharrezkoa dela esan dute.

Bilboko manifestazio jendetsuan leku berezia izan dute presoen senideek. Tantaz Tanta ekimenaren mobilizazioa debekatu arren, kalera irten dira eta urtero bezala ez dute bisitaldirik egin asteburu honetan. Beraien hitzak jaso ditugu.

Milaka lagunek parte hartu dute Bilboko manifestazioan. "Giza eskubideak. Konponbidea. Bakea" lemapean egin den martxa historikoa izan da askorentzat. Hurbiletik jaso dugu manifestazioa Hamaika telebistan. Hemen duzue prestatu dugun irudi bilduma.

Alderdi ezberdinetako politikarien ustez, Bilboko manifestazioa egun historikoa izan da. EAJ, Sortu, EA, Aralar, Alternatiba eta Abertzaleen Batasuna alderdietako ordezkarien hitzak jaso ditugu.

Tantaz Tantaren biharko mobilizazioa debekatu du Velasco epaileak Herrira-ren oinordekoa dela argudiatuta. Tantaz Tantako lantaldeak bere aldetik twitterren iragarri du, behin-betiko erabakia hartu bitartean, deialdiari eutsiko diotela .

EAJ, Sortu, EA, Aralar, Alternatiba, GeroaBai, ELA eta LABek deituta manifestazioa egingo da gaur Bilbon, 18:00etan La Casillatik abiatuta. Giza eskubideen, konponbidearen eta bakearen alde izango da manifestazioa eta isila izango dela ere aurreratu dute. Hasier Arraiz Sortuko idazkari nagusiak euskaraz, eta Andoni Ortuzar EAJko presidenteak gazteleraz irakurri duten testu laburrean, Euskal Herrian dagoen jokaleku berria "sendotzeko" konpromisoa agertu dute eta eta herritarrei dei egin diete bai manifestaziora joateko eta bai manifestazioaren leloak jasotzen dituen aldarrikapenen alde lan egiteko. Kazetarien txalo artean amaitu da prentsaurrekoa.