Azken bideoak: Politika

Gurean Gaur saioaren elkarrizketa atalean, Ibai Bilbao Etxerateko Bizkaiko Koordinatzailea izan dugu. Tantaz Tantaz ekimenaren aurkako salaketa jarrita eta EPPKren agiria mahai gainean, bake prozesuaz eta presoen egoeraz hitz egin dugu berarekin.

Gurean Gaur saioaren elkarrizketa atalean, Patxi Zabaleta Aralarreko koordinatzaile nagusia izan dugu. Nafarroako egoera izan dugu oinarri berarekin, baina Euskal Herri osoari begira ere jarri gara, gaurkotasun politikoari behar bezalako errepasoa emateko.

Kataluniako kontsulta deialdiaz eta Madrilen martxan segitzen duten makroepaiketez aritu gara, mahai inguruan. Solaskideak: Gotzon Hermosilla, Karmelo Landa, Koldo Bilbao eta Benjamin Atutxa.

Gurean Gaur saioaren elkarrizketa atalean, Maria Eugenia Arrizabalaga EAJko ordezkaria izan dugu. Gaurkotasun politikoari heldu diogu. Ekonomiaren egoeraz, bakegintzaz eta estatus politikoaren inguruan hitz egin dugu berarekin. Cabacas auziari ere tartea eskaini diogu.

Pasa den larunbatean hil zen Ramon Labaien politikari ohi eta kulturzalea. 85 urte zituela zendu zen Donostia Ospitalean. Tolosan jaio zen 1928an. Gerra Zibila pairatu zuen, baita erbestea ere. Ikasketak Donostia eta Madril artean egin zituen, eta Franco ostean sartu zen politikagintzan. Donostiako alkate izan zen 1983tik 87ra bitarte, eta Frankismo osteko lehen Jaurlaritzako Kultura sailburua izan zen, Carlos Garaikoetxearen gobernuan. Azken urteetan Independentistak sareko kide izan zen, eta euskal presoen eskubideen aldeko hainbat ekimenetan parte hartu zuen. Gugan bego.

Duela bi urte, Ramon Labaien politikari ohi eta zendu berria elkarrizketatu genuen Hamaika Telebistako Hurbilean saioan. Hemen duzue berarekin izandako solasaldia. Gugan bego!