Azken bideoak: Politika

Nelson Mandelaren heriotzaz hitz egin dugu aste honetako saioan. Horrez gain, estatus politiko berriaz aritu gara eztabaidan. Gonbidatu gisa Jose Felix Azurmendi kazetaria, Unai Urruzuno EH Bilduko kidea eta Amaia Arregi EAJko kidea izan ditugu.

2014ko bizkaiko foru aldundiko aurrekontuen inguruan hitzarmena egin dute jeltzaleek eta popularrek. Gaur goizean sinatuko dute hitzarmena Esther Martinezek PPren izenean eta Lorea Bilbaok EAJrenean . Lorea Bilbaok gogorazi du 2014ko aurrekontuak posible izango direla hiru alderdiren borondateari esker, izan ere lehenengo bizkaiko sozialistekin lortu zuten akordioa.

Gurean Gaur saioko elkarrizketa atalean, Iñigo Lamarca Arartekoa izan dugu. Askotariko gaiez hitz egin dugu berarekin, eta tartean, Cabacas auzia eta Herritarren Segurtasunerako legearen aldaketa izan ditugu hizpide.

Nafarroako D ereduko ikastolak ikertu ditu Guardia Zibilak, gai horretaz aritu gara hizketan. Horrez gain, Mauleko manifestazioa eta Durangoko Azoka izan ditugu hipide. Karmelo Landa EHUko irakaslea, Beñat Zarrabeitia kazetaria, Jose Felix Azurmendi kazetaria eta Koldo Bilbao EGI-ko kidea izan ditugu gurekin.

Bake plana onartu berri den une honetan, asko dira uste dutenak motz geratu dela. Hala uste du behintzat Goldatu, Frankoren diktadura garaiko euskal preso eta errepresaliatuen elkarteak. Frankismoaren historiaren erdia ahaztu eta alboratzen duela salatu dute.

Sevilla II espetxean dauden presoen gose greba izan dugu hizpide aste honetako eztabaida saioan. PSE-EEko Benjamin Atutxa, EAJko Iñaki Zarraoa eta Sortuko Arantza Urkaregi izan ditugu gurekin.