Azken bideoak: Politika

Gurean Gaur saioaren elkarrizketa atalean, Joseba Permach ezker abertzaleko kide eta Herriko tabernen sumarioan auzipetua izan dugu. Madrilgo epaiketan bizitzen ari direnaren argazkia atera dugu berarekin. Bestelako gaiak ere jorratu ditugu, Parot doktrina kasu.

Preso eta iheslarien eskubideen aldeko ekimena antolatu dute hainbat eragilek azaroaren 9rako Gernikako Astran.

Denboraldiko bigarren eztabaida politikoak askorako eman du. Estrasburgok Parot doktrina baliogabe jo ostean, Ines Del Rio euskal presoa kalera atera da. Horrek askotariko erantzunak izan ditu, eta horien isla jaos nahi izan dugu mahai inguruan. Pentsioen erreformaz ere aritu gara. Solaskideak: Gorka Maneiro (UPD), Maribi Ugarteburu (EH Bildu) eta Josune Gorospe (EAJ).

Gurean Gaur saioko elkarrizketa atalean, Alfonso Zenon abokatua izan dugu. Parot Doktrinaren inguruan hitz egin dugu berarekin batez ere. Ines Del Rio kartzelatik atera berri den honetan, Estrasburgoko ebazpenak gainontzeko euskal presoei nola eragingo dien azaldu digu Zenon abokatuak.

Gurean Gaur saioaren elkarrizketa atalean, Jon Iñarritu Amaiurreko diputatua izan dugu. Autodeterminazio eskubideaz, galdeketaz eta Estrasburgoko ebazpenaz hitz egin dugu, besteak beste. 

Ines Del Rioren abokatuek, Giza Eskubideen Europako Auzitegiaren epaiaren ostean Parot doktrinaren pean dauden 56 euskal presoak espetxean jarraitzeko inolako oinarri juridikorik ez dagoela azaldu dute. Gainera Espainiako gobernuak  Europako sententzia aplikatu behar duela esan dute, doktrina hau aplikatu zaien guztiak aske utziz, pertsona horiek guztiak zigorra beteta dutelako.