Azken bideoak: Politika

Gurean Gaur saioaren elkarrizketa atalean, Martin Garitano Gipuzkoako ahaldun nagusia izan dugu. Aieteko Bakearen Etxean egin dugu hitzordua. Izan ere, bi urte bete dira Aiete konferentzia egin zela. Bake garaiaz, egungo egoeraz eta etorriko denaz hitz egin dugu berarekin.

Segiko gazteen aurkako eta Herriko Tabernen auziko makroepaiketak izan ditugu hizpide, denboraldiko lehen saioan. EAJ-PSE-PP itunaz eta LOMCE legeaz hitz egiteko parada ere izan dugu. Solaskideak: Andoni Unzalu (PSE), Andoni Olariaga (filosofoa) eta Iñaki Zarraoa (EAJ).

Gurean Gaur saioan elkarrizketa atalean, Iñigo Iturrate EAJko legebiltzarkidea izan dugu. Besteak beste, PP eta PSE-EErekin sinatutako itun fiskala izan dugu hizpide, eta estatus politiko berriaren gaia ere jorratu dugu.

Gurean Gaur saioaren elkarrizketa atalean, Pello Urizar EH Bilduko legebiltzarkide eta Eusko Alkartasunako presidentea izan dugu. Bake planaz, itun ekonomikoaz eta subiranotasunaz hitz egin dugu, besteak beste.

EH Bilduko legebiltzarkide Marian Beitialarrangoitia izan dugu, Gurean Gaur saioan. PPk EAJ eta PSE-EEren arteko zerga itunarekin bat egiteaz, Herrira-ren aurkako polizia operazioaz, eta Amaiurrek Espainiako Kongresuan erabakitzeko eskubidearen alde aurkeztutako proposamenaz aritu da.

Maite Bidarte kazetariak eta Carlos Olaya aktoreak hartu dute hitza manifestazio jendetsua bukatzean.