Azken bideoak: Gizartea

Zaintza- arrakala azaleratu eta areagotu du covid19 pandemiak. Kontziliazioa bermatzeko neurrietan ari da lanean Madrilgo Berdintasun Ministerioa. Estatuko Aurrekontu Orokorrek 200 milioi euro bideratuko dute horretarako.

Covid19 gaitzari aurre egiteko hartutako neurri murriztatzaileen artean, ostalaritzaren itxiera dago. Egunotan, taberna eta jatetxeek soilik etxera eramateko zerbitzua eskaini dezakete. Horiek horrela, Skatu-ren eskutik, Arrasaten zein Errenterian Jangou aplikazioa martxan dago eta 20 taberna inguruk bat egin dute ekimenarekin. Eredu alternatibo garatzeko bidea dela azaldu digu Skatuko Maitena Urretabizkaiak Gurean Gaur albistegian.

Pello Guerra GARAko kazetariarekin izurri beltzari eta koronabirusari aurre egiteko hartutako neurrien arteko antzekotasunak izan ditugu hizpide Nafarroa Gaur saioan. Hemen duzue ikusgai.

Nafarroan positiboek gora egin arren positibotasun-tasak behera egin du. Eskubide Sozialen Kartaren Nafarroako bozeramaileek agerraldia egin dute hiriburuko Gaztelu Plazan gogoratzeko urtarrilaren 30eko greban eskatutako arloetan ez dela sakondu eta urte hasieran agindutakoak ere ez dituela bete foru agintaritzak.

Arduragabekeriatzat jo du Beñat Zaldua GARAko kazetariak Salvador Illa osasun ministro espainiarrak gaur egindako iragarpena. Are gehiago kontutan izanda aldez aurretik egin zituen iragarpenak ez direla bete. Bestalde, memoriaren eguna izaki, Gasteizko legebiltzarrean "gaur egindako ekitaldia euskal gizartean aspaldidanik existitzen den kontsentsu minimo horren isla" dela azaldu digu.

Pirinioetan katastrofe edo atentatu bati erantzuteko Okzitanian sortu duten Shelter europar erietxe ibiltaria Baionara iritsi da. 20 minututan plantan ematen den dispositiboak 18 erreanimazio ohe eskuratzea ahalbidetzen du. Covid-19ak Baionako erietxean sorturiko saturazio arazoari erantzungo dio erietxe ibiltariak Lapurdin, baina Nafarroan edo Katalunian ere zerbitzua eskaini dezake.