Skip to main content

Azken bideoak: Gizartea

bideoa prestatzen
Haizea, euria eta elurra, gogoz sartu dira Hego Euskal Herrian

2019-01-23
Haize, euri eta elur frontearen ondorioz, alerta horia eta laranja aktibatu dira Euskal Herrian. Iruñerriko zenbait puntutan Arga eta Ultzama ibaiek nabarmen egin dute gora. Elurrari dagokionez, arazo gutxi sortu ditu momentuz, eta alerta gorria mantentzen da Pirinio aldean.
bideoa prestatzen
Hontzak konpartsak "Vatikanoko harategiak" epaiketan absoluzioa lortu du

2019-01-23
2017ko aste nagusian, Hontzak konpartsak “Vatikanoko harategiak” izeneko dekorazioaz apaindu zuen Areatzako kaian urtero kokatzen duten konpartsa. Aldarrikapena, zinez grafikoa, aste nagusitik pasa ziren guztien arreta deitu zuen. Gauzak horrela, elizatik eta Falange Vasco -Navarratik, aginteen aurrean salaketa jarri eta auzi judiziala martxan jarri zen, sentimendu erlijiosoen kontrako ustezko irainengatik. Urte eta erdi beranduago, Bilboko hirugarren Epaitegi Penaletik, absoluzioa jaso dute.
bideoa prestatzen
Chrysallis Euskal Herria elkarteak etapa berria hasiko du

2019-01-23
Erabakia hartu dute eraginkorragoak izateko helburuarekin. Izen eta irudi berri batekin emango diote hasiera etapa berriari. Estatuko Chrysallis elkartean lurralde delegaritza izateari utziko diote elkarte independente bat sortuz. Familia asoziazio bihurtuz, modu eraginkorrago batean defendatu nahi dituzte beren seme alaba transexualen eskubideak. Duela lau urte sortu zen 8 familiaren iniziatibaz eta gaur egun ehundaka familia dira parte hartzen dutenak.
bideoa prestatzen
Autogestio eredua gatazkaz haratago

2019-01-22
Nafarroan Gaur saioan autogestio ereduaz jardun gara Errotxapea eta Maravillas gaztetxeetako kideekin. Gatazkaz haratago, guneotan sortzen diren bizikidetza eta bisimodu esparruez eta horrek izan ditzakeen bilakaerez aritu zaizkigu. Eskola jazarpena El Langui aktore eta rap egilearekin landu dugu. Azkenik, Pamplona Negra festibala Baluarten bisitatu dugu.
bideoa prestatzen
Eskola jazarpenari aurre egiteko hainbat iniziatiba burutu dira azken aldian Nafarroan

2019-01-22
Bullying-a edo eskola jazarpena, bere forma guztietan, errealitate bat dira eskola eremuan. Hainbat dira erakunde, ikastetxe eta familia zein biktima eta biktima ohiek egindako ahaleginak horri aurre egiteko. EAE eta Nafarroako datuak, iturrien arabera asko aldatzen badira ere, guztiek agerian uzten dute egoera.
bideoa prestatzen
Bertan behera geratu da Xabi Alonsoren aurkako epaiketa

2019-01-22
Bertan behera geratu da Xabi Alonso, futbol jokalari tolosarraren aurka gaur Madrilen hastekoa zen epaiketa. Ogasunari iruzur fiskala egin izana leporatzen diote Alonsori, eta Madrilgo Audientziak bertan behera utzi du epaiketa, delitu horiek epaitzeko erantzunkizuna epaitegi horri dagokion ala ez zehaztu arte.