Azken bideoak: Gizartea

Aste honetan Gonzalo Santoma dugu protagonista. Bartzelonan jaioa, orain dela 15 urte Garraldara bizitzera etorri zen. Txikitan udak pasatzen zituen emen bere familiarekin eta euskara hitz egiten zela bazekien. Bizitzera etorri zenean hizkuntza ikastea erabaki zuen, bere hitzentan: "errespetu kontu bat da".

Atzo, 15.611 test diagnostiko egin ziren, eta, haietatik, 1.425 positiboak izan ziren. Lurraldeka aztertuz, 163 Araban, 623 Bizkaian, eta 630 Gipuzkoan. Testuinguru honetan, Gotzone Sagardui Osasun sailburuaren esanetan, gero eta zailagoa dirudi konfinamenduaren saihesteak. Hala eta guztiz ere, sailburuak nabarmendu du badirela aukera gehiago neurri hori ezarri behar aurretik, eta, horretarako, indarrean diren neurriak betetzeko eskatu die herritarrei.

Amaia Agirre Bilboko Udaleko segurtasun zinegotzia elkarrizketatu dugu Hamaika Telebistan. Pandemiari aurre egiteko adituek diotenari kasu egitea garrantzitsua dela adierazi du.: "Prestatuta gaude adituek esaten dutena betetzeko; osasuna oso garrantzitsua da, ekonomia ere bai, eta oreka bilatu behar dugu".

Xabier Leoz Siñarzubi fundazioko kidea da eta elkarte horrek kudeatu du Txantrea Auzoko Prebentzio Arretako zerbitzua azkeneko 20 urteetan. Orain, Xabier Leozek kritikatu du zerbitzuaren kudeaketa kendu dietela auzo elkarteei "munizipalizazioaren aitzakia" baliatuz.

Belen Ausejo Urbizi taldeko kidea da eta Esako urtegiaren eta Nafarroako Ubidearen bideragarritasunaz eta alternatibez mintzatu da Nafarroa Gaur saioan.

Bestalde gaur hasi da Erriberako bi herriren perimetroagatiko konfinamendua. Murtxante eta Ribaforadako sartu-irteerak debekaturik daude ohiko egoeretan salbu eta hasiera batean debekua 15 egunez aplikatu du Nafarroako Gobernuak. Gaurko datuei erreparatuta, Ribaforada da kasu gehien pilatzen dituen herria, 100.000 biztanleko 298 gaixo zenbaturik.