Skip to main content

Azken bideoak: Gizartea

bideoa prestatzen
Araba, Bizkaia eta Gipuzkoako landetxeen okupazioa %42koa izan da pasa den asteburuan

2020-10-13
Urte gogorra izan da ostalarientzat. Hoteletan ez ezik, landetxeetan ere okupazioak behera egin du. Zubian, esaterako, EAEko landetxeen okupazioa %42koa izan da, baina kontuan hartu behar da aurreko urteetan asteburu honetan %80tik gorakoa izan dela. Daturik onenak Arabakoak izan dira, %53a beteta egon baita; Bizkaian eta Gipuzkoan, berriz, okupazioak %38 eta %39koak izan dira.
bideoa prestatzen
Euskarazko murgiltze eredua eteteko arrazoia ezagutu nahi du euskal ordezkaritzak

2020-10-13
Frantzian Euskarazko murgiltze eredua kolokan dago. Euskararen Erakunde Publikoko, eskualdeko eta departamenduko ordezkariak gaur bilduko dira Frantziako Hezkuntza Ministerioarekin Parisen. Horren harira, hainbat mobilizazio egin dira azken hilabeteetan. Esaterako, asteburuan Baionan 1.000 lagun inguru bildu ziren euskaraz ikastea eta irakastea eskubide bat dela aldarrikatuz.
bideoa prestatzen
307 piztaldi aktiborekin, hasi dira aplikatzen neurri murriztaile berriak Nafarroan

2020-10-13
Neurriek %30era murriztu dute zinema eta antzokietako jende kopurua eta tabernen ordutegia gaueko 10etara mugatu. %30ekoa izango da ostalaritza egoitzen gehienezko jende kopurua eta %50ekoa terrazetan.
bideoa prestatzen
Datorren urriaren 15ean landa eremuko emakumeen nazioarteko eguna ospatuko da

2020-10-09
Hilaren 15ean landa eremuko emakumeen nazioarteko eguna ospatuko da. Jardunaldien hamazazpigarren edizioa izango da, eta landa-eremuko emakumeen lanari balioa eman nahi zaio. Hori dela eta, online jardunaldiak antolatu dira HAZI Fundazioko laguntzarekin.
bideoa prestatzen
Joaquin Beltran bilatzeko "fase erabakigarria" hasiko da datorren astean

2020-10-09
Eusko Jaurlaritzaren arabera datorren astean "erabakigarria izango den fase bat hasiko da" Joaquin Beltranen gorpua topatzeko. Jaurlaritzako ordezkariek azaldu dutenez, zabortegiaren egoera "nahiko egonkorra" izateak bilaketaren fase berriari ekitea ahalbidetzen du.
bideoa prestatzen
Munduko Elikadura Programak jaso du 2020ko Bakearen Nobel saria

2020-10-09
gosea eta gerraren arteko lotura eteteko egindako lana dela eta eskaini diote saria NBEren programari. Literaturakoa Louise Glück poeta estatubatuarrari eskaini zion atzo akademiak eta Fisikako, Kimikako eta Medikunztakoak ere iragarri dituzte komiteek egunotan eta Ekonomiakoa astelehenean emango dute jakitera.