Skip to main content

Azken bideoak: Gizartea

bideoa prestatzen
Ritxi Azzena, Sardiniatik irribarrez (bigarren zatia)

2020-10-09
Ritxi da aste honetako izen propioa. Sardinian jaioa da. Asteazkeneko saioan bere euskaldutzen prozesuaz hitz egin zigun. Guarkoan, Eguzki irratian egingo duen saioaz mintzatuko digu. Gero, Ortzadar elkartera joango gara eta bertan Ainizerekin elkartuko gara. Barre artean Ortzadar zer den azalduko digute eta gero euskararen egoeraz eztabaidatuko dute.
bideoa prestatzen
Madrilgo Erkidegoan alarma egoera ezartzea erabaki dute

2020-10-09
Madrilgo Erkidegoan alarma egoera ezartzea erabaki dute. Hamabost egunerako dekretatu dute eta erabaki horrekin, Gobernuak berriz ezarri ahalko ditu Madrilen salbuespenezko neurriak. Presidenteak gaur goizera arteko epea eman dio Isabel Diaz Ayuso Madrilgo Erkidegoko presidenteari, neurri horiek berrezarri nahi zituen edo alarma egoera eskatu nahi zuen erabakitzeko, baina Ministroen Kontseilua baino lehen ez da ezer garrantzitsurik iritsi.
bideoa prestatzen
Donostiako metroko lanak bi urtez luzatuko dira eta baliteke %70 garestitzea

2020-10-08
Ura eta hondarra azaldu ziren Donostiako Metroko obretan, Mirakontxa eta Easo arteko tunelean. Ondorioz, zati horretako lanak irailaren 25ean gelditu zituzten. Hasieran, Mirakontxa eta Easo arteko lanen kontratua 53,2 milioi euroan adjudikatu zuten eta Arriola sailburuak nabarmendu du litekeena dela esleipen berria %70 garestiagoa izatea. Jaurlaritzak, ordea, lanen kostuak oso gora eginda ere, lanak amaitzeko konpromisoa berretsi du.
bideoa prestatzen
Eusko Jaurlaritzako Hezkuntza Sailaren eta sindikatuen arteko bilerak ez ditu langileen ordezkariak asetu

2020-10-08
Orotara 1300 irakasleren kontratazioak iragarri dituzte Hego Euskal Herriko gobernuek. Eusko Jaurlaritzak 669 irakasle kontratatuko dituela helarazi zien sindikatuei, Nafarroak, beste 596 kontratatuko ditu. EAEko hezkuntzako sindikatuek ez-nahikotzat jo dute proposamena eta aldebakarrez neurriak hartzea leporatu diote sailari. Hala ere, mahai sektoriala osatzeko akordioa erdietsi zuten bi aldeek atzoko bileran.
bideoa prestatzen
Euste neurrien eraginkortasuna ikusita, astebete luzatu dituzte Nafarroa osoan

2020-10-08
Euskal Autonomia Erkidegoari dagokionez LAB sindikatuak salatu du Urdulizeko ospitalean erizaintzako praktiketako ikasleak baliatu dituztela PCRak egiteko, hauek aurretiaz inongo formakuntza berezirik jaso gabe.
bideoa prestatzen
Gomiztegiko artzain eskolak ikasturte berria hasi du hamalau ikaslerekin

2020-10-07
Gomiztegiko Artzain Eskolaren ikasturte berria martxan da. Batis Otaegi eskolako zuzendariak esan digu egoera berrietara egokitu direla eta azken urteekin alderatuta, gorakada egon dela ikasle kopuruan. Aurten, orotara, hamalau dira: sei bizkaitarrak, lau gipuzkoarrak eta gainontzeko laurak Zamora, Madril eta Malagakoak.