Azken bideoak: Ekonomia

Euskal Herriko gazteen ihesaz azterketa egin dugu. Zenbat dira atzerrira joaten direnak ikastera edo lan egitera eta zeintzuk bueltatzen direnak? Joandako berak dira etorritakoak? Elkarrizketaren atalean, hitzordua Mario Zapata ikerlariarekin egin dugu, “Aniztasunaren Gida” proiektua ezagutzeko. Aniztasunaren gidaren baitan, jatorri eta kultura-identitatearen inguruan antolaturiko eragileak aurkitu daitezke. Paperezko zein on-line argitalpenean, 1.000 eragiletik gora daude bilduta, udalerriz udalerri Euskal Herri osorako.

Gurean Gaur saioko elkarrizketa atalean, Nuri Lopez de Gereñu Confebaskeko idazkari nagusia izan dugu. Enpresen egoeraz hitz egin dugu berarekin batez ere. Halaber, negozioazio kolektiboaz, zerga-itunaz eta aurrekontuez ere galdetu diogu

Lan merkatuaren esparru zehatz bat aztertu dugu, kontratazioen kalitatea, hain zuzen ere. Azken urtetan bizitako joerez gain, kontratazioen kualifikazioari erreparatu diogu. Bestalde, Bagara elkartea ezagutu dugu Andoni Mujika erakundeko koordinatzailearen bitartez. Azken urteotan maiz aipatu izan da antolaketa horizontalago eta parte hartze handiagoko egituren beharra eta kooperatibismoa hartu izan da adibide edo erreferentzia. Horri buruz eta beste aritu gara berarekin.

Gurean Gaur saioaren elkarrizketa atalean, Igor Ortega LANKIko kidea izan dugu. Fagorren krisiak mahai gainean jarri duen galderaren inguruan aritu gara: kooperatibismoa kolokan al dago? LANKI, Mondragon Unibertsitateak kooperatibagintzari buruz duen ikertegiko kideek argi dute erantzuna, ez, ez dagoela kolokan.

Gurean Gaur saioaren elkarrizketa atalean, Ander Iturriotz soziologoa izan dugu. Autodeterminazioaren inguruko gaia landu dugu berarekin, eta Fagorren aferari ere tartea eskaini diogu. 

Helena Franco Gipuzkoako Foru Aldundiko Ogasun diputatuarekin izan gara. Aurkeztu berri duten aurrekontu proiektuaz hitz egin dugu berarekin, eta aurrekontuaren nondik norakoak azaldu dizkigu.