Azken bideoak: Ekonomia

Euskal Herriko Eskubide Sozialen Kartak ekainaren 19rako mobilizazioak deitu ditu, «Publikoa eta funtsezkoa zaindu, aberastasuna banatuz. Lehenik bizitza!» lelopean. Mobilizazio hauek Hego Euskal Herriko lau hiriburuetan egingo dira. Baita, herri batzuetan ere, arratsaldez. Lau hilabete igaro dira lan, pentsio eta bizitza duinaren alde greba egin zenetik. Edurne Larrañaga Euskal Herriko Eskubide Sozialen Kartako kidearen esanetan, urtarrilaren 30eko aldarrikapenetan berrestea ekarri du covid19ak.

Imanol Karrera LAB sindikatuko kideak CENen egoitzan erregistratu du Covid-19ak eragindako krisiak "are gehiago prekarizatu" dituen lan baldintzak "duintzea” helburu duen hitzarmena osatzeko proposamena.

Horregatik Hego Euskal Herriko hiriburuetan agerraldiak egingo dituzte hilaren 19an. Iruñean goizeko agerraldia autobus geltokian izango da 11.30tan eta arratsaldean bizikleta martxa bi lotuko dituzte, Arrotxapeatik eta Mendilorritik aterako direnak.

Ordaindu gabe maileguak biltzeko "Banku txar" bat sortzea aztertzen ari da Europako Banku Zentrala. Erakundea beldur da Europako bankuek ez ote duten itzuli gabe gera daitezkeen mailegu kopuruaren gorakadari aurre egiteko beste kapital izango.

Zaldibarko zabortegian bi delitu egin zirela argudiatzen du Ertzaintzak bere txostenean. Bat, baliabide naturalen eta ingurumenaren aurkakoa. Eta beste bat, langileen eskubideen aurkakoa.

Mondragon taldeko Bexen Medical enpresak hilero 20 milioi maskara ekoitziko ditu. Etxebarrin, Bizkaian, kokatuta dagoen fabrikak atzo inauguratu zuen maskaren ekoizpenerako planta, arduradun publiko eta pribatuen presentziarekin. Eragile pribatu eta publikoen arteko elkarlanaren onura goraipatu du Arantxa Tapiak. Mondragon Assembly-k Txinan diseinatutako 3 makina ekarri ditu Etxebarriko plantara. Horrela, makina hauek heldu baino lehen zegoen hilabeteko 10 milioiko produkzioa bikoiztko dute, hilabetero 20 milioi maskara ekoitziz. Bexen Medicalek maskara kirurgikoak egingo ditu, R2 motatakoak, kirurgikoen artean babes handiena eskaintzen dutenak hain zuzen.