Skip to main content

Azken bideoak: Kultura

bideoa prestatzen
Bilboko Arte Ederren museoko obrak ikusi ahal izango dira Bizkaiko kostaldeko hainbat herritan

2020-06-16
'BBK Artearen ibilbidea' erakusketa ibiltariak 40 erreprodukzio bat ditu eta bere helburua da museoan ikusgai dauden lanetan oinarritutako dibulgazio artistikoa. Honez gain, QR kode bat gehituta, lan sorta bat deskargatzeko aukera ematen du, euskarazko, gaztelaniazko, ingelesezko eta frantsesezko azalpenak ematen dituzten soinu-artxiboetan. Ekimenaren helburua da herritarrei “artea eskuragarriago” jartzea. Ekainaren 16an Bilboko Areatzan hasi da asmo didaktikoa duen ekimena eta hainbat herri zeharkatuko ditu urriaren 4ra arte: Getxo, Portugalete, Santurtzi, Muskiz, Gorliz, Plentzia, Bakio, Bermeo, Mundaka, Elantxobe, Ispaster, Ondarroa eta azkenik, Lekeitio.
bideoa prestatzen
Jon Maia: "Krisi hau aukera bat izan daiteke sistema hau aldatzeko"

2020-06-16
Etxealdian zehar sortutako artikulu baten ondoren, Jon Maiak "Bihar Tomorrow" ekimenaren bultzatzaileetako kide gisa azaltzen zaigu. Beste mundu bat posible dela aldarrikatuz landutako iniziatiba hain zuzen ere. Elkarrizketaren tartean, Beñat Zarrabeitia lankideak berarekin hitz egin du.
bideoa prestatzen
#Bazterrekoak Diogenes: Lotura materialik gabeko bizitza zoriontasunaren giltza

2020-06-12
Diogenesen izena aipatzen denean, psikologia modernoak eraikitako gaitza datorkigu burura, etxeko bakardadean zaborra pilatzen duen soziopatak. Izendapenak, Sinopeko Diogenesen du bere jatorria, K.a. 400 urteko Grezian bizi izan zen filosofoan hain zuzen. Lotura materialik gabeko bizitza zoriontasunaren giltza zela pentsatzen zuen. Psikologoek, 70. hamarkadan izena hartu zuten, Diogenesen bizitza muturrera eramanez. Seguruenik, zinismo osoz, ezer ere ez ulertu zutela esango lieke Diogenesek psikologoei, barre serioa ahoan zuen bitartean.
bideoa prestatzen
Donostiako Dantz jaialdiak 'Dantz Terrace' ekimenarekin itzuli da jarduerara

2020-06-12
Gipuzkoako musika elektronikoaren Dantz jaialdiak jarduerari berrekin dio Dantz Terrace ekimenarekin. Aurtengo abuztuan ospatzekoa da jaialdia Donostian, baina udaberrian zehar ere Euskal Herrian musika elektronikoa entzunaraziko dute. Horrekin batera, itxialdian zehar, aurreko urteetako Dantz Point deritzen sesioak internet bidez zabaltzen aritu da jaialdia. Euskal Herriko txoko anitz eta berezietan eskainitako emanaldiak dira Dantz Point-ak eta laster Hamaika Telebistako Etxeko Sessions saioaren baitan ere ikusgai egongo dira.
bideoa prestatzen
“Murrizketak kulturaren heriotza epaia” direla salatu du SOS Kulturak

2020-06-12
SOS Kultura plataformak elkarretaratzeak egin ditu Hego Euskal Herriko lau hiriburuetan. Manifestuan irakurri dute kultura, “eskubidea, ondarea, lana, osasuna, identitatea, irizpidea eta gizartea eraikitzeko oinarria dela”. Mikel Pikaza plataformako kideak adierazi duenez hiru hilabeteren ostean egoera “oso kezkagarrian” dago sektorea, horregatik kultura beharrezko ondasun gisa onartua izan dadin eskatzen diete administrazioei, lehenengo urrats gisa. Gehitu du laguntzak martxan jartzeko, aurrekontuak bermatuak izan behar dituztela instituzioek, eta sektorean eman diren laguntzetan, zozketazko esleipenak esan dute, “deitoragarriak” direla. Horrekin batera, salatu du plataformak, protokolo zehatzak behar direla, eta ezin dituztela izan “jarduera blokeatzen dituen prokolo batzuk, dekretuek lana ahalbidetzen duten bitartean”. Nabarmendu dute, mobilizazioekin jarraituko dutela, “kultura bere lekuan jarri arte”.
bideoa prestatzen
MUSIKAZUZENEAN TB #109: MANAGAITZ + FLY SHIT

2020-06-11
"Gaztaroko erokeria bat baino gehiago!" split diskoa izango da gure gaurko protagonista, eta bide horretan, Managaitz eta Fly Shit taldeak. Hardcorearen errepidean murgilduko gara, irrati libreen uhinetan, gaztetxe zirkuituan... zuk zeuk egin filosofiaren baitan.