Azken bideoak: Lekuak

Herriko ekonomia berpiztu eta enplegua sustatzeko asmoz jarri zuten martxan Hondarribia Abian proiektua. Bost ardatz estrategikotan egituratzen da plana. Horietako bat da, hain zuzen, lehen sektoreari dagokiona. Udalaren eta Gizpukoako Aldundiaren laguntzarekin, Agroaldea sortu dute Hondarribian. Horrez gain, udako larunbatetan nekazal azoka jarri dute martxan San Pedro kalean. Iaz hasi ziren horrekin, eta aurten jarraipena eman diote ekimenari.

Gipuzkoako lurralde historikoaren barnealdean kokatzen da Beasain, Goierri eskualdearen bihotzean. Murumendi, Usurbe eta Pagobakar mendiez inguraturik, Oria ibaiak zeharkatzen du herria. Sei gune nagusi bereizi daitezke Beasainen: herrigunea batetik, eta Arriaran, Astigarreta, Garin, Gudugarreta eta Aratz-Matxinbenta auzoak bestetik.
 

Oraingoan, lau toki interesgarritan izan gara. Hasteko Beasainera joan gara, eta herriaren txoko interesgarrienak gertutik ezagutu ditugu. Beasaindik Donostiara salto eginez, itsaso sakoneko bizitzan murgildu gara Donostiako Aquariumean. Kostaldean jarraituz, Albaola Itsas Elkartearen azken proiektua ezagutu dugu: San Juan Baleontziaren erreplikaren eraikuntza. Amaitzeko, Hondarribiako udalak martxan jarri duen Hondarribia Abian proiektua izan dugu hizpide.

Idiazabalek lotura handia izan du beti gaztarekin, baina hori baino askoz gehiago eskaintzen du herriak. Gaztaren prozesu guztia ezagutzeaz gain, herriaren balio historikoaz jabetu gara.

Oñati Gipuzkoako herririk erakargarrienetakoa da. Mendiz inguratuta, Araba, Bizkaia eta Gipuzkoa artean kokatzen da. Gaur egungo herri moderno eta garatuak ondare historiko, kultural eta natural ugari gordetzen ditu; hala nola, Arrikrutz koba, Arantzazu auzoa eta bere santutegia, edota Sancti Spiritus Unibertsitatea.

1995eko irailaren 29an izendatu zuten biotopo Leitzarango bailara. Ingurumen aldetik zein historikoki oso aberasgarria da gunea; historiaurreko aztarna ugari topa daitezke bertan. Aitor Mendiluze bertsolariaren eskutik ezagutu dugu Leitzaran bailarako gune aipagarrietako bat: Otitako parkea.