Skip to main content

Azken bideoak: Atxilotuak / presoak

bideoa prestatzen
Guardia Zibil batek Beatriz Etxebarria euskal presoa eta bere bi urteko alaba mehatxatu ditu

2020-06-17
Etxerat elkarteaksalatu du erasoa. Eskua pistolan jarrita, biei zuzendu eta “tiro egiteko gogoak” jartzen ari zitzaiola esan zien Etxebarria alabarekin medikuarenean zegoela. Astartean bi kontsulta zituen egitekoak alabak Niño Jesús ospitalean. Bien arteko itxaronaldian jazo zen gertaera eta Etxebarriak bigarren kontsulta jasotzeari uko egin zion bere alabaren segurtasuna bermatua ez zegoela iritzita.
bideoa prestatzen
Patxi Ruiz euskal presoak gose greba utzi duela iragarri du

2020-06-10
Espainiako Espetxe Erakundeetako idazkaritzak baieztatu du gose grebaren amaiera, Ruizek gaur goizean gosaldu egin duela jakinarazita.
bideoa prestatzen
4 euskal preso hurbilduko dituztela iragarri du Espetxe Agintaritzak

2020-06-10
Julen Atxurra, Balbino Saez, Asier Rodriguez eta Asier Mardones euskal presoak hurbilduko dituztela iragarri du Espainiako Espetxe Erakundeak.
bideoa prestatzen
Sarasate pasealekua eta Iruñeko espetxea lotuko ditu Sarek ekainaren 20an

2020-06-09
COVID19ak sortutako urgentzia eta larritasuna dela eta , “herritarrak mobilizatu daitezen” deitu du taldeak, Izan Bidea kanpainaren barnean txertatutako dinamikarekin.
bideoa prestatzen
Traperorentzat 10 urteko zigorra eskatzen du fiskaltzak, "matxinada" delitua kendu arren

2020-06-08
"Matxinada" delitua ez, baina "sedizioa" eta "desobedientzia" delituak egotzita hamar urteko espetxe zigor eskaria egin du fiskaltzak Josep Lluis Trapero, Eskuadra Mossoen buru izandakoarentzat.
bideoa prestatzen
Pello Alcantarilla preso ohiak De los Cobos ikusi zuen berari egindako tortura saioetan

2020-05-29
Berria egunkariari azaldu dio 2004an Madrilgo Tres Cantoseko komandantzian torturatzen zuten bitartean Diego Pérez de los Cobos han zegoela. Bertako polizia judizialeko burua zen momentu horretan. Telebistan ikusitakoan identifikatu du guardia zibilen Madrilgo egungo burua. Alcantarilla, 2004an Burgosen kamioiarekin lanean ari zela atxilotu zuten ETArekin lotura zuelakoan eta Madrilera eraman zuten Tres Cantosera. Torturak hasieratik egin zizkioten, bai errepidean nola komandantzian bertan. Kolpe eta irain etengabeak jasan zituen. Aitortu du azken aldian albisteetan hainbeste aldiz ikusi behar izateak orduko torturak gogorarazi eta “samina eta gorrotoa” eragin dizkiotelako erabaki duela bizi izandakoa kontatzea.