Azken bideoak: Osasuna

Espainiako Gobernuak eta Madrilgo erkidegoak Estatu osoan irizpide komunak ezartzeko lortu zuten ustezko akordioaren ondorioz, Salvador Illa ministroak atzo autonomia erkidegoetako osasun arduradunekin bilera izan zuen. Bertan mugikortasun, edukiera eta ordutegi murrizketa berriak aztertu zituzten. Baina Madrilek ez ditu baldintza horiek onartu.

Covid-19aren osasun-krisiaren ondorioz, euskal herritarrek eragin handia nabaritu dute. Krisiak, osasun esparruaz gain, pertsonen bizitzako esparru guztietan du eragina: sozialean, ekonomikoan, laneakoan eta emozionalean, besteak beste. Hori dela eta, kalera irten gara herritarrei egoera nola bizi duten galdetzera.

Maria Txibite presidenteak azpimarratu du Nafarroako egoera ez da Madrilgoarekiko konparagarria eta gaineratu du Azkoienen egoera kontrolpean dagoela eta orain beste herri batzuetan jarri dutela jomuga.

Erresuma Batuan, kutsatu gabeko boluntarioak proba fasean dauden txertoak jarri ostean, birusaren ahuldutako aldaera batekin kutsatuko dituzte eta berrogeialdian jarri egoitza batean.

Goizean elkarretaratzea egin dute EAEko osasun arloko langileek Covid-19aren ondorioz bizi duten egoera larria salatu nahian. Sindikatu guztiek bat egin dute eta urriaren 3rako manifestazioa deitu dute Bilbon. Han izango dira Osakidetzako mediku, erizain, zeladore eta garbitzaileak, besteak beste.

Positibo berrien % 28 nerabeen artean eman dira Euskal Autonomia Erkidegoan. Jaurlaritzak ukatu egin du kutsatzeak hezkuntza zentroetan eman direla. Milatik gora kutsatu berrietatik, 145 zero eta hemeretzi urte bitarteko haur eta gazteei dagozkie. Osasun Saileko eta Osakidetzako Zaintza eta Kontrol Programaren koordinatzaileak, Ignacio Garitanok azaldu duenez, pandemiak eskola eremuan eta eskolatzeko adinean dauden gazteen artean izan duen bilakaera arretaz aztertzen ari da Jaurlaritza, eta aitortu du "zaila" dela non kutsatu ahal izan diren zehaztea. Bestalde, ohartarazpena egin dio Europako Batasunak Espainiari. Covid19-ak eragindako kutsatzeek “joera oso kezkagarria” dutela esan du Kyriakides Osasun komisarioak. Ohartarazi dutenez, egungo egoera epidemiologikoa gero eta arriskutsuagoa da kalteberenak diren taldeentzat eta osasun-langileentzat, eta, horregatik, "berehala” neurriak hartzea eskatu du.