Azken bideoak: Etorkinak

Lan egin, ekarpenak egin eta gizarte honen parte izateko manifestazio baterako deia egin dute gazte atzerritarrek ostiral honetan, Martxoak 13, arratsaldeko 19:00tan Boulevardean.

Euskal Autonomia Erkidegoan bizi diren Etorkin Atzerritarrei buruzko Inkesta aurkeztu dute asteazken honetan Beatriz Artolazabal Enplegu eta Gizarte Politiketako sailburuak eta Arkaitz Fullaondok, txostena ondu duen Ikuspegi Immigrazioaren Euskal Behatokiko ikerlariak. Artolazabal sailburuak esan duenez, egoera ekonomikoaren hobekuntza etorkinengana ere iritsi da.

Zaporeak erakundeak elkartasun kontzertuak antolatu ditu urtarrilerako. Helburua Moriako esparruan dauden errefuxiatuen egoerari aurre egiteko baliabideak pilatzea da. Mariano Galartza kideak azaldu duenez, egunez egun geroz eta latzagoa da bertan.

Ikuspegi - Immigrazioaren Euskal Behatokiak kaleratutako barometroan aurkeztu dute gaur Bilbon. Bertan EAEko gizarteak etorkinekiko duten jarrera laburbiltzen du behatokiak. Ondorio nagusien artean kokatu dituzte herritarrek immigrazioaren fenomenoa estrukturala dela barneratu izana eta atzerritarrekiko jarrera eta egoera ekonomikoaren artean dagoen lotura estua.

Catania inguruan dabil ontzia atzotik, eguraldia dela eta hegoealdera, Pozzallora, heldu ezinean. Hala ere, aurreikusten dute bihar goizeko 6rak aldera itsasoa baretu eta harantz jo ahalko dutela. Izaskun Arriaran ontziko erizainak ahul baina gogotsu daudela adierazi du.

Integrazioa sustatu eta zurrumurruen kontra egiteko asmoz, Euskal Herrian bizi diren etorkinak eta bertakoak bazkari baten bueltan bilduko dituzte Bizilagunak egitasmoan, igandean. Ekimen honekin, Getxon, elkartzeko espazioak sortu nahi dituzte.