Azken bideoak: Etorkinak

Azken egunotan, Bilbotarrek osatu duten harrera sarea, Santutxun ari da heltzen diren etorkinei laguntza ematen. Instituzioen aldetik konponbide iraunkorraren zain, auzolanean oinarritzen ari da pertsona migranteei eman behar zaien asistentzia eta, bide batez, presio politikoa egiteko tresna bilakatu nahi da harrera sarea. Igandean, elkartasun gosaria prestatuko diete Guggenheim museoan.

3600 pertsona baino gehiago batuko dira larunbatean Munduko Arrozen jaialdian. Anistazunean eta bizikidetzan oinarritzen den ospakizun honek, auzoko talde desberdiei esker musikaz, dantzaz eta aldarrikapenez beteko da San frantzisko auzoa.

Arroza mundu osoan sukaldatzen den jakia da, ta aitzaki horrekin San Frantzisko auzora bizitzera etorritako migrante guztiek beraien herrialdean egiten den moduan sukaldatuko dute arroza.

Pobreziaren eta gizarte bazterketaren gaiari sakon helduko diogu Ertzak saioan. Galdera ugariren inguruan ariko gara Gorka Moreno Ikuspegiko zuzendariarekin eta Ana Sofi Telletxea Caritas-eko kidearekin. Gaur asteartea, apirilak 12, 21:30ean.

Ez da erraza izaten bizileku bat utzi eta herri berri batera joatea. Ingurua eta bertako pertsonak ezezagunak izatearen ondorioz, zailtasun ugariri aurre egin behar izaten diete iritsi berriek. Hori ekidin eta integrazioa errazteko asmoz, Oiartzungo Udalak Harrera Plana jarri du abian. Hala ere, lehen bilera irekian azpimarratu dute herritarrek garatuko dutela ekimena. Udaleko kideekin, herritarrekin eta proiektuan parte hartzen ari diren Polonia eta Ekuadortik iritsitako bi kiderekin egon gara.

Gurean Gaur elkarrizketa saioan, “Bizilagunak” ekimenaren inguruan hitz egin dugu Anaitze Agirre Larreta, SOS Arrazakeriako kidearekin. Antolatzen duten laugarren urtea da eta ekimenaren nondik norakoez eta aurtengo arrakastaz aritu zaigu hizketan.

Migrazio krisia, errefuxiatuen krisia ala Europaren beraren izaeraren eta batasunaren krisia? Gurean Gaur elkarrizketa saioan, errefuxiatuek bizi duten egoeraz aritu gara, Europar Batasunak agertu duen jarreraren inguruan hausnartuz. Horretarako, Xabier Aierdi soziologoarekin hitz egin dugu.