Azken bideoak: Etorkinak

Gurean Gaur elkarrizketa saioan, Gorka Moreno Ikuspegi Immigrazioaren Behatokiko zuzendaria izan dugu. Ehunka pertsona hil dira azken asteetan mediterraneo itsasoan. Lampedusako ezbeharrei begira jarri eta Europak egin dezakeenari buruz hitz egin dugu, besteak beste.

EH 11 Kolorek eta Gipuzkoako Erregio Etxeen Federazioak, maiatzaren 31n eta ekainaren 1ean ospatuko den "11 Kolore Fest" aurkeztu dute. Egitaraua indartzeko, Donostiako Udalak hainbat ekitaldi antolatu ditu maiatzaren 30ean. Ekimenen artean, "11 Danbor Martxa" izango da, eta baita Burubeltz konpartsa ere. Horrez gain, sabela betetzeko, "11 Pintxo, 11 Zapore" ekimen gastronomikoa ere izango da.

Udalbiltzak hitzarmen bat sinatu du EH 11 Kolore elkartearekin. Honen bidez, diru-laguntza bat emango dio "Euskal Herri anitzarentzat adostasunak" deituriko ekimena bultzatu ahal izateko. Ekimenak hainbat helburu dauzka. Horien artean, herritar guztien eskubideen, betebeharren eta aukeren berdintasuna defendatzea da, haien jatorria edozein dela ere.

Euskaldunok etorkinei buruz dugun iritzia aurreko urteetakoa baino hobea da. Horrela jasotzen du Euskadiko Immigrazioaren Behatokiak gaur bertan aurkeztu duen txostenak. 2012an biztaleen %11,6ak immigrazioa arazo larria zela uste bazuen 2013an, urte bat beranduago, ehunekoa asko jaitsi da. Lan merkatuari dagokionean, ordea, krisiaren eragina nabaria dela aipatu behar da. Hain zuzen, 2004an biztanleen %80ak Euskadik etorkinak behar zituela uste bazuen, 2013an ehuneko hori %35,4a jeitsi da.
 

Paperik ez duten etorkinak osasun arretarik gabe uztea legez kanpokoa dela ebatzi du eskubide sozialak babesteaz arduratzen den Europako batzordeak. Espainiako Gobernuak 2012an onartu zuen paperik ez duten etorkinei osasun txartela izateko aukera kentzea. Hego Euskal Herrian etorkinek balditza jakin batzuk bete behar dituzte arreta jasotzeko eskubidea izateko. SOS Arrazakeria elkarteko kideei berriaren inguruan galdetu diegu.

Gurean Gaur saioaren elkarrizketa atalean, Gorka Moreno Ikuspegiko zuzendariarekin izan gara inmigrazio politikoen inguruan hausnartzeko. Zeintzuk dira Europan gai honi buruz dauden hutsuneak, eta erronkak Euskal Herrian? Galdera horiei erantzuna ematen saiatu gara.