Azken bideoak: Emakumea

EHUk emakumeak teknologia arloan egin dezakeen ekarpena aldarrikatu du Emakumeen Nazioarteko Eguna dela-eta. Beste arlo askotan bezalaxe, teknologian ere emakumea gutxietsia izan dela azpimarratu dute. Donostiako Informatika Fakultatean egindako ekitaldian, Estibaliz de Miguel eta Bakarne Altonaga saritu dituzte; Micaela Portilla eta Maria Goyri sariak jaso dituzte, hurrenez hurren.

Martxoaren 8aren harira, Euskal Herriko koordinadora feministak kanpaina bateratu bat antolatu du; haien helburu nagusia, egungo sistema heteropatriarkala salatzea izanik. Horrez gain, abortatzeko orduan emakumeen erabakitzeko eskubidea eta errespetua exijitu dituzte.

Donostiako Udalak, hiriko Emakume elkarteekin batera, martxoaren 8an ospatuko den Emakumeen Nazioarteko Eguna aldarrikatu nahi du. Naiara Sampedro Berdintasun zinegotziak adierazi du berdintasuna eraikitzen jarraitu behar dela eta aurrerapausu handiak eman diren arren, emakumeen aurkako jarrera sexistekin amaitu behar dela. Horretarako, hainbat ekimen prestatu dituzte, sufragisten, mugimendu feministaren eta pentsalarien lana aintzat hartuz.

Martxoaren 8aren atarian emakumeen aurkako indarkeriari buruzko datu gordinak ezagutarazi ditu Oinarrizko Eskubideen Europako Batasuneko Agentziak. Bost andretik batek jasan du bikotekidearen indarkeria, %5 izan dira bortxatuak eta %55 sexu jazarpena jasandakoak dira. Datu hauek ikerketa mardul baten ondorio dira batasuneko 28 herrialdeetan 42.000 elkarrizketa egin dituzte eta esan bezala egoera gordina azalarazi dute.

 

Datorren larunbata martxoaren 8a dugu eta testuinguru horretan LAB sindikatuak egingo dituen mobilizazio eta ekimenen berri eman du,mobilizazio ezberdinak baina denak emakumeentzako enplegu duina eskatzera bideratuak. Izan ere, datuek errealitate gordina erakusten dute. Krisi ekonomikoak bultzatutako murrizketak eta prekarietate egoerak emakumeek pairatzen dute gehien bat. Emakume pentsionisten errealitate gordinaz ere mintzatu da LAB bizitzeko beste ematen ez duten prestazioak dituzten pentsiodunak.
 

Gurean Gaur saioaren elkarrizketa atalean, Izaskun Landaida Emakundeko zuzendaria izan dugu. Emakumeen Kontrako Indarkeriaren Aurkako Nazioarteko Egunean, orain arte egin diren urratsez eta egiteko daudenez aritu gara berarekin. Berdintasunaren aldeko lan etengabea da gakoa, Landaidaren ustez, indarkeriari aurre egiteko. Lan konplexua, baina egingarria dela berretsi du.