Azken bideoak: Langileak

Jose Mari Lejardi Gabixola garraiolariak lan-merkatuko prekarietatearen kontra gose greba egitea erabaki zuen, bere aldarrikapen propioetaz haratago, gizartean orokorrean kontzientzia pizteko. 23 egun daramatza gose greban.

Gurean Gaur saioaren elkarrizketa atalean Aitor Bengoetxea, EHUko Lan Zuzenbideko irakaslea izan dugu. Langileen Nazioarteko Egunaren atarian, egungo krisi ekonomikoaz hausnartu dugu berarekin. Lan erreforma, pentsio sistema edota autoenplegua izan ditugu izpide besteak beste.

2012an Europak esan zuen Espainia diskriminatzailea zela lanaldi partzialean zeuden langileek ez zutelako pentsio duinik jasotzen erretiratzean, %80 emakumeak izanik. Orain, LABek 4009 sinadura bildu ditu araudia alda dezaten eskatzeko.

Incoesa enpresako langileek Eusko Jaurlaritzako enplegu sailera bideratu dituzte haien aldarrikapenak. Gaur goizean egindako mobilizazioan adierazi dute enpresak aurkeztutako espedientearen kontsulta epealdia akordiorik gabe bukatu dela. Langileek borrokan jarraituko dutela iragarri dute, haien iritziz enpresa bideragarria baita.

Gurean Gaur saioaren elkarrizketaren atalean, pentsioen erreformak pentsiodunengan izango duen eragina aztertu dugu Xabier Isasa Pentsionistak Martxan plataformako kidearekin. Azaldu digunez, pentsioak ez badira errebalorizatzen KPIaren arabera, Hego Euskal Herriko pentsiodunek, 660 euro galduko dituzte 2014-2019 urte artean.