Azken bideoak: Artea

Bihar hasiko da edizio berria. Komisariotza-praktika euskal ingurunean geratzeko helburua dauka eta, alor horretan, profesional berriak sendotzekoa. Arreta berezia jarriko zaie komisarioaren eginkizunen dimentsio historikoari eta narratiboari.

‘Gerra Zibila Gipuzkoan: Erresistentzia eta Duintasuna’ erakusketa aurkeztu dute Koldo Mitxelena Kulturunean. Erakusketan gerra hartan parte hartu zuten 12.000 gipuzkoarren izenekin osatutako horma bat dago. Irailaren 12tik abenduaren 28ra egongo da ikusgai. Hiru hilabete horietan memoriari buruzko tailerrak egingo dituzte, azaldu dutenez, “memoria partekatzeko eta horren inguruko hausnarketa egiteko” helburuarekin. Jarduera hauek zortzi eta hamabi pertsona inguruko taldeen bidez landuko dituzte, hilabetean behin, ostiral arratsalde eta larunbat goizetan. Horrez gain, sei lagunen lekukotzak jasotzen dituen ikus-entzunezko bat ere ekoiztu dute, eta erakusketan bertan egongo da ikusgai.

Getxophoto nazioarteko irudi jaialdiaren 13. edizioa irailaren 4tik 29ra izango da. Aurtengo haria 'Post homo sapiens. Etorkizuna programatu' izango da. Bestalde, hirugarren eta azken urtez, Monica Allende izango da programazio artistikoaren arduraduna.

Asvineneak 20 urte daramatza Adunako herrian zirkoari lotutako arteari espazioa eskaintzen. Topaketa batzuk antolatu dituzte abuztuaren 20tik 24ra, Europa eta Euskal Herriko 15 irakasle onenetarikoak egongo dira bertan. Xehetasun gehiago eman dizkigute Irati Gonzalez eta Garazi Pascual Asvineneako kideek.

Festen bigarren eguneko kronikarekin batera, bezperako arratsaldean Herri Sanferminak bisitatu genituen. Gaurkoa aldarrirako eguna bihurtu da jada iruindarrentzako eta prozesioan denetik egon da. Jai giroak ez du etenik Iruñean! Ahotsa.info-ko lankideek zezenketen inguruko kale-inkesta egin zuten festak hasi aurretik.

Mugak, Euskadiko Nazioarteko Arkitektura Bienalaren bigarren edizioak, Ulm eskola izango du ardatz. Aurreko edizioaren arrakastaren ondoren, Mugak egitasmoaren bigarren edizioaren helburua da Europa mailako arkitekturaren alorreko erreferente eta EAEko kultur ekimen garrantzitsuenetako bat bihurtzea, Iñaki Arriola Ingurumen, Lurralde Plangintza eta Etxebizitza sailburuaren esanetan. Aurtengo erakusketa bi egoitza nagusitan ikusi ahal izango da: Euskadiko Arkitektura Institutuan eta San Telmo Museoan. Bertan, Ulm-eko Eskolak gaur egungo industria-diseinuan izan duen eragina ikusteko aukera izango da hainbat piezaren bitartez, sailburuak azaldu duenez. Urriaren 10etik abenduaren 12ra arte ehun jarduera baino gehiago antolatu dituzte; gehienak Donostian izango dira baina aurtengo edizioan Bilbon eta Gasteizen ere hainbat ekintza egingo dituztela azaldu dute antolatzaileek. Urriaren 21etik 27ra izango da Bienalaren aste garrantzitsuena, eta ekintza gehienak aste horretarako antolatuko dituzte. Oraindik, ordea, ez dute programazioa guztiz itxi, eta antolatzaileek herritarrei beren kolaborazioak bidaltzeko deia egin diete.