Azken bideoak: Musika

Bigarren disko luzea aurkeztu du Izaki Gardenak bandak: "Aurri Gara" (Oihuka). Jon Basaguren taldeko gitarra jotzaile eta abeslariak lan berriaren xehetasunak eman dizkigu. Tenpo erdiko kantuek garrantzia dute diskoan, konponketa iradokitzaileekin jantziak eta melodiekin apainduak.

80ko hamarkadan Ingalaterran sortu eta pixkanaka munduratu zen Heavy Metal musika. Euskal Herrira ere iritsi zen, eta 90ko hamarkadan euskararekin topo egin zuen. Su Ta Gar izan zen aitzindaria euskarazko heavy metala jorratzen. Belaunaldi berriek segitu dute Eibarkoen bidea, eta beste hainbat talde sortu dira. Bi belaunaldi aurrez aurre jarri ditugu horri buruz hitz egiteko: Aitor Gorosabel (Su Ta Gar) eta Jon Koldo Tera (Incursed, Orion Child).

Musikagintza izan dugu ardatz. Bixente Martinez eta Amaiur Cajaraville aurrez aurre. Biak Igelaren Banda taldeko kideak dira, baina urteak daramatzate musika munduan. Martinez Oskorrin dabil hasieratik, gero Hiru Truku sortu zuen Ruper Ordorika eta Joseba Tapiarekin batera. Amaiur Cajaraville, berriz, Eraso! taldean ibili zen, eta gero, musika klasikoko ikasketak egin eta jazzean eman ditu azken urteak. Musikagintzaz aritu gara biekin, eta baita "Debalde da festa" disko berriaz ere.

Xabier Saldias Egan taldeko musikaria izan dugu gurean. Egan taldearen ibilbideaz aritu gara batetik. Taldearen 45 urteek utzitako abenturez eta bitxikeriez galdetuko diogu. Bestetik, musikari baten bizitzak dituen alde on eta txarrak ezagutu ditugu. Eta, nola ez, erretiroa hartzeko asmorik ote duen eta hala bada etorkizunera begira zein egiteko dituen galdetu diogu.

"Pantomima" izeneko disko berria aurkeztu du Larregi taldeak. Pasa den urtean, Azkue fundazioak antolatutako Banden Lehia musika txapelketa irabazi zuten, eta ordutik esperientzia aberasgarriak izan dituzte. BBK Live jaialdian jo zuten eta orain diskoa argitaratu dute Baga Biga zigiluarekin.

Davina&The Vagabonds, Maceo Parker eta Eric Sardinas&Big Motor izango dira Getxo Blues jaialdiaren izar nagusiak Algortako Biotz plazan. Uztailaren 16tik 18ra bitartean erro afroamerikarreko doinu onenak entzuteko aukera paregabea egongo da Getxo Blues jaialdiaren bitartez.