Azken bideoak: Musika

Azaroaren 14ean, Kasernarat bandaren zuzeneko emanaldi berezia izango dugu Elkar Estudioa Sesioak programan. Irun eta Orereta bitarteko hirukoak bere folkabilly berezia eskainiko du.

Bilboko Txistularien banda munduko danbolinteroen elkarte profesional bakarrenetakoa da, Erdi Aroan musika-jole eta juglareen udal taldeak izan zirenaren lekuko bizia. Kontzertuak eskaintzeaz gain Bilbokoak diskoak ere kaleratu ditu. Azkena Plazan izeneko lana.
 

Banden Lehia, euskal musika talde berriak bultzatzea helburu duen lehiaketa martxan da berriz ere. 6. edizioa da hau eta finala azaroaren 28an ospatuko da Bilborocken, 20:00etatik aurrera.

Azaroaren 7an, Aguxtin Alkhat eta bandaren zuzeneko emanaldi berezia izango dugu Elkar Estudioa Sesioak programan. Bigarren denboraldiko bigarren kontzertua izango da. Ipar Euskal Herriko musikariak bere pop/folk rock doinuak eskainiko ditu.

Oso talde gutxik lortu dute Belceblues taldeak lortutakoa. Hau da, Munduko Blues Txapelketa handienean parte hartzea. "Road to Memphis" lehiaketa irabazita, Euskal Herriko ordezkaria izatea lortu zuen Bergarako blues rock taldeak. Aukera hori agian, inoiz errepikatuko ez dela jabetuta, kamara hartu eta egonaldia grabatzea erabaki zuten. Euskal Herrira itzuli zirenean grabatutako material guztiarekin lan txukun bat osatu zuten. Oihan Vega taldeko bateria jotzailearekin hitz egin dugu dokumentalaz.

Urriaren 31n, Skasti taldearen zuzeneko emanaldi berezia izango dugu Elkar Estudioa Sesioak programan. Bigarren denboraldiko aurreneko kontzertua izango da. Zarauzko bandak bere NewSkaDance proposamena eskainiko du.