Azken bideoak: Musika

Le Bukowski Musika Klubak antolatutako Ze premikin! jaialdiaren hirugarren edizioa apirilaren 16an ospatuko da Donostiako Gazteszenan. 20:00etatik 06:00ak bitarteko egitaraua osatu dute. Sarrerak 8 euroren truke eskuratu ahal izango dira aldez aurretik, eta, egunean bertan, 10 euro ordainduta.

Lekuek jaialdian denetariko musika Gernikan.

Txapelpunk-ek 15 urte beteko ditu Euskal Herriko bazterrak bustitzen Lekeitioko kresalaren laguntzarekin. Taldeak seigarren lana aurkeztu: ' Los mejores de los peores’. Hamalau kantu berri gaur egun gertatzen ari denaren argazkia islatzen dutenak. Bizi dugun egoera politiko eta sozialak bultzatuta bor-bor atera omen zaizkie hitzak.

Doctor Deseok diska-liburu berria aurkeztu du Bilboko Kafe Antzokian. Musikariek beraiek adierazi duten bezala, orain arte taldeak lortu ez duen intentsitatea du lan berriak. "Busco en tus labios lo mejor del deseo" izenarekin liburu itxura duen DVD eta CD bilduma kaleratu dute. Diskaren singela "Busco en tus labios" abestia da, orain dela 25 bat urte sortu zutena haien lehenengo diskarako. Oraingoan, taldeak esan duenaren arabera, abestiari aldaketa erradikala egin diote, beti ere ikuspegi garaikide eta ez nostalgiko batetik. Josik, taldeko baxuak azaldu duenez, abesti hori izango da biraren oinarria.

Aldaketaren alde egin du Kaskezur taldeak "Ilgora" hirugarren diskoan. Rock oinarritik, indie rockera egin dute proposamena fintze aldera. Iñigo abeslariarekin izan ginen Durangoko Azokan.

Diskoetxe eta zigiluez harago, Euskal Herriko musikagintzak auto-ekoizpenaren bidea hobetsi du azken boladan. Horrela, geroz eta talde gehiago dira diskoa beraien kabuz atera eta hedatzen dituztenak. Urteko argitalpen horien bilduma Musika Zuzenean egitasmoaren postuan topa daiteke. Diskoak ez ezik, maketak ere eskura daitezke.