Skip to main content

Azken bideoak: Jardunaldiak

bideoa prestatzen
Durangoko Azokak kasik 6 milioi eurotako inpaktu ekonomikoa eragiten du Durangon

2019-12-08
Aurreko urteetan baino bisitari gehiago erakarri ditu Durangoko Azokaren 54. edizioak. Gerediagak eta Saidecok elkarlanean osatutako ikerketaren arabera, Durangoko Azokak 5,8 milioi eurotako eragin ekonomikoa uzten du herrian zein eskualdean. Bataz beste, Landako Gunearen baitan 49 eurotako gastua egiten dute bisitariek.
bideoa prestatzen
Throwing Voices: Uxue Alberdi eta Rachel Newton

2019-12-08
Landako Guneko areto nagusian, Uxue Alberdi idazle eta bertsolari elgoibartarrarekin batera, Rachel Newton harpa-jotzaile eskoziarra elkartu ziren "Throwing voices" egitasmoaren baitan. Abuztuan Eskozian izandako literatur topaketari segida emanez, Newton-ek eta Alberdik bi kulturen arteko uztarketa osatu zuten. Besteak beste, gaelikoz idatzitako olerkiekin.
bideoa prestatzen
Euskarazko bideojokoen ertzak aztertu dira Jokotekniako II jardunaldian

2019-10-14
Larunbatean ospatu zen Jokoteknia euskarazko bideojokoen bigarren jardunaldia. Game Erauntsiak eta Azkue Fundazioak antolatuta, gozieko 9etan abiatu ziren hitzaldi eta mahai-inguruak Azkuna Zentroko Bastida Aretoan. Bertaratutakoek, bideojokoen arloko ertz ugari jorratu zituzten hitzaldiez gozatu ahal izan zuten. Topaketen helburua industria eta jokozaleen diagnostikoa egin eta bertako joko egile eta zaleen arteko harremana sortzea da. Aipagarria da emakumeen papera bideojokoaren industrian sakon jorratu zela.
bideoa prestatzen
Jokoteknia jardunaldiaren bigarren edizioa ospatuko da urriaren 12an

2019-10-03
Jokoteknia euskarazko bideojokoen bigarren jardinaldia egingo da Azkuna Zentroan, urriaren 12an. Euskarazko bideojokoen industriaren eta erabiltzaileen azterketa egitea da xedea, baita bideojoko garatzaile eta erabiltzaileen arteko harremana garatzea. Jardunaldian landuko diren gaietako batzuk hurrengoak dira: bideojokoak feminismoaren ikuspuntutik, euskal bideojokoen industriaren egoera edota euskal komunitateari zer nolako onurak ekartzen dizkion bideojokoak euskaraz egiteak. Pasa den urtean 50 lagunek hartu zuten parte, eta plaza guztiak bete ziren. Aurten kopurua berdindu edo handitzea espero dute.
bideoa prestatzen
Ondarearen Europako jardunaldien 19. edizioa Bizkaiko 58 udalerritan egingo da urrian

2019-09-16
"Ondarea Plazara" lelopean, ondare kulturalarekin zerikusia duten 200 jarduera aurkeztu dituzte Bilboko Euskal Museoan. Proposatutako egitarauan era guztietako adierazpenak jasotzen dira, ludikoak edo erritualak, bat batekoak, zeremoniak, ukigarriak eta ukiezinak. Formatu eta ekintza berriak antolatu dituzte aurtengo edizioan, hala musikaz, dantzaz, kirolez, bertsolaritzaz eta beste hainbat diziplinaz gozatu ahalko da lurraldeko ondare kulturalaren baitan.
bideoa prestatzen
Luzatu egingo dute gazteentzako Harrapazank programarako izena emateko epea

2019-03-15
Honen bidez, lantegi berriak prestatzeko aukera izango dute antolatzaileek eta bilboko gazte gehiagorengana heltzeko parada. Aurten, Harrapazank programak hainbat lantegi eskaintzen ditu: fantasiazko makillajea, irratia, Hennazko tatuajea edo arropa pertsonalizatzea. Helburua da gazteek aisialdian euskara erabil dezaten sustatu eta motibatzea eta horretarako hiru partetan banatzen da programa: Urban tailerrak, gamer gelak pil-pilean dagoen ekintzari euskara gehitzeko eta azkenik harrapazank eszena talentu lehiaketa. Bilboko gazteek hainbat arlotan beren trebezia erakuts dezakete. Kastingaren aurretik irakasle profesionalekin izango dituzte entseguak eta, aurrera pasatzen direnek baita masterclassak ere. Finala Bilborocken izango da ekainaren 21 eta 22an.