Azken bideoak: Futbola

Realeko neskek azken unean gainditu zuten Transportes Alcaine Zaragozan (1-2) eta Oiartzunek Bartzelona bigarren sailkatuaren zelaian galdu zuten (2-0). Bi norgehiagoken analisia egin dugu Mikel Ibargoien kazetariarekin eta Urtzi Arrondo futbol entrenatzailearekin.

Real Sociedad 2 - Valentzia 0. Txuri urdinek garaipenarekin bukatu dute Ligako lehen itzulia. Eusebioren taldeak hiru puntu horiek behar zituen. Neurketa eta taldearen egoera aztertu ditugu Mikel Ibargoien kazetariarekin eta Urtzi Arrondo futbol entrenatzailearekin.

Eibar 2 - Espanyol 1. Armaginek helburua bideratu dute Ipuruan sendo eta etxetik kanpo ondo ibilita. Azken garaipenarekin 30 puntu bildu dituzten lehen itzuliaren amaieran. Azken neurketa eta egoera izan ditugu hizpide Mikel Ibargoien kazetariarekin eta Urtzi Arrondo futbol entrenatzailearekin.

Sevilla 2 -  Athletic 0. Athleticek lehen zati oso ona jokatu zuen Sanchez Pizjuanen, baina Gameiroren bi golek Sevillari eman zioten garaipena. Raul Garciak belauna bihurritu zuen eta baja izango da denboraldiaren azken txanpara arte. Neurketaren analisia egin dugu Gotzal Astorki eta Rayco-rekin.

Deportivo 2 - Eibar 0. Armaginek Kopan balentria egin ondoren, ezin izan zuten punturik eskuratu Riazorren. Zelai zaila bihurtu da gipuzkoarrentzat. Ligako porrota eta Kopako lorpena aztertu ditugu Lander Iruin eta Imanol Arruti kazetariekin.

Real Sociedad 0 - Vila-real 2. Txuri urdinen porrota eta Kopako kanporatzea aztertu ditugu. Anoetako inertzia ona bertan behera utzi dute. Imanol Arruti eta Lander Iruin kazetariekin aztertu dugu egoera.