Azken bideoak: Futbola

Egunotan zalaparta handia sortu du Espainiako Lehen Mailako futbol taldeen itzulerak. Ligak eskuratuta, ehunka test egin dizkiete jokalari eta teknikariei eta eztabaida piztu da baliabide horiek futbolera bideratzen diren bitartean beste sektore askotako beharginek aukera hori ez dutelako. Zigor Urkiaga zuzenbide ekonomikoan aditua da, eta futbolzalea ere. Egoera ez dela bidezkoa iritzi dio eta uste du ez duela zentzurik futbolari lehentasuna ematea.

Lehen Mailako futbol taldeek gaur amaituko dute testak egiten. Gaur Athleticen eta Alavesen txanda izan da.

2 klubek azaldu dutenez euren borondatea finala zaleen aurrean jokatzea da. Horrez gain kopako finala txapelketa ofizial gisa jokatu eta titulu ofizial gisa haintzat har dadila bermatzeko ere eskatu diote federazioari.

Osasunako jokalari ohi Michael Robinsonen heriotzak erreakzio ugari sorrarazi ditu, bai futbolean bai komunikazioaren eremuan ere. Hamaika Telebistan, talde gorritxoan haren taldekide izandako Kuko Zigandaren oroitzapenak eta testigantza bildu ditugu.

Michael Robinson Osasunako jokalari ohia hil da. 61 urte zituela, minbiziaren ondorioz zendu da. Liverpoolekin Europako txapeldun, 1987an Iruñera iritsi zen. Aurrelari petoa, azken hiru hamarkadetan komunikazioaren esparruan murgilduta zebilen. Hamaika Telebistan José Ángel Kuko Ziganda bere taldekide ohiarekin mintzatu gara.

Ainhoa Tirapuk futbola utziko du denboraldi amaieran. Atezain nafarrak bere karrera luzea amaitzea erabaki du eta ez du bere kontratua berrituko. Futbola «zelaian uztea gustatuko» litzaiokeela onartu du baina, krisialdi egoera honek albistea etxetik ematera bultzatu du. Barañaindarra Lagunaken eskutik hasi zen futbolean. 2005ean, maletak egin zituen Lezamara joateko eta bertan eman ditu azken denboraldiak. Ane Urkiri kazetariak atepean ikusi izan du beti Tirapu, eta ziurtatu du, emakumezkoen futbolak arlo ezberdinetan izan duen bilakaera atezainaren ibilbidean islatzen dela.