Azken bideoak: Arrauna

Emakumezkoen sailkatze estropada Oriok irabazi du eta haren atzetik sartu dira Tolosaldea, Arraun Lagunak, Zumaia, Hondarribia, San Juan eta Hibaika. Urtero legez Donostiarra zuzenean sailkatuta egonik, osatuta gelditu da zortzikoa. Beraz, bizkaitarrik eta galiziarrik ez igandean jokatuko den aurtengo Kontxako Banderaren lehian emakumezkoetan. Itsasoa bare zegoela ematen zuen arren, haize-olatuek norabidea eustea zaildu die patroiei. Orio nabarmendu da denen aurretik, eta aipatzekoa bigarren azkarrena izan dela ETE ligako irabazle Tolosaldea, ziabogan Orioren denbora berdinarekin. Gizonezkoen sailkapen estropada jokatuko da gaur. Zazpi leku preziatu eta 21 traineru daude lehian. Hala ere, faboritoek hutsik egiten ez badute, ez da sorpresa handirik espero. Faboritoak Santurtzi, Hondarribia, Orio, Urdaibai eta Zierbena dira

Koronabirusaren hedapena saihesteko hainbat erabaki hartu behar izan dute antolatzaileek eta Donostiako Udalak, ohiko jende pilaketak eragotzi nahian.

Amaitu da ETE, Emakumezkoen Traineruen Elkartea liga. Tolosaldeak 105 punturekin izan da garaile eta Oreretako Hibaika taldea gelditu da bigarren, 78 punturekin, Zumaiak baino puntu bakarra gehiago lortuta. Ondarroak, behetik hasitako taldeak, eraman du azkenengo bandera Castro Urdialesen, Tolosaldea eta Zumaiaren aurretik. Mutiletan, Eusko Label ligan, Boiroko Bandera irabazi du Santurtzik 31 ehunenengatik eta lidergoa berreskuratu du. Jaitsiera playoffak saihesteko borrokan, Zarautzek eta Aresek buruz burukoa egin dute. KAE 1 Ligako azken estropada, berriz, San pedrok irabazi du eta Eusko Label Ligara igotzeko playoffetan izango da hau ere, Tiran, Meira eta Pedreñarekin batera.

Pandemiaren eraginez, arrisku bizian egon da traineru denboraldia, baina bueltan da eta Galizian lehia handia izatea espero da bai emakumezkoen zein gizonezkoen lehen estropadetan. Emakomezkoen Euskotren ligan hamabi estropadak osatzen dute egutegia, eta, iazko lau talde izango dira leihan: Orio, Arraun Lagunak, Donostiarra eta Hondarribia. Oriok irabazi zuen aurreko urtean, lehenengo liga izan zuena, eta nagusitasunez irabazi ere, estropada batean ez beste guztietan lortu baitzuen bandera. Halabaina, aurtengo neguan jokatu diren jaitsieretan leiha estuagoa izan da, hondarribiak ez beste hiru taldeek lortu baitituzte garaipenak. Gizonezkoen lehen jardunaldirako egindako txanden zozketak erabaki du Ares, Donostiarra, Ondarroa Cikautxo eta Orio Arraun Elkarteak Cidade da Coruña Banderaren lehen txandan arraun egingo dutela. Arraunlariek eta entrenatzaileek kezka bera nabarmendu zuten ligaren hasierako zozketan iragan astean: “ez dakitela nola” dauden lehiari ekiteko.

Tostan eseri eta uretara jauzi egiteko prest daude arraunlariak. Hirugarren fasean sartzearekin batera egingo dituzte itsasoan lehenengo entrenamenduak, hiru hilabeteren ostean. Gorputza berriro moldatzea tokatzen zaie orain eta arraunkera sendotzea denbora gutxian. Hibaikako June Mikeo eta Urdaibaiko Iban Martinez arraunlariekin izan dugu hizketarako tartea.

Gizonezkoen saioan Hondarribiak etxera eraman du Kontxako bandera. Bi egunetako denborak kontuan hartuta, guztira, 6 segundo atera dizkio Oriori. Beraz, iaz bezala, Kontxako bandera Bidasoa aldera doa. Aipatu behar da, Oriok ez duela amore eman estropada osoan eta lehia bizian ibili dira bi traineruak azkenengo metroetara heldu arte. Aparteko estropada izan da, baina, pasa den astean lortutako 5 segundoko abantaila luzea izan da. Hondarribia txapeldun, Orio bigarren, Santurtzi hirugarren eta bere txanda irabazi duen Donostiarra laugarren izan dira sailkapen finalean. Emakumezkoen banderan, berriz, Orio argi eta garbi gailendu da. 28 segundo atera dizkio GU arraun taldeari bi aste hauetan eta aurten egiten ari diren sekulako denboraldiari banderarik bereziena gehitu diote. Orioren atzetik, GU arraun, Hondarribia eta Hibaika Ancin kokatu dira.