Azken bideoak: Biztanleria

Askapenaren Teologiak, justizia soziala ardatz, berebiziko garratzia izan zuen 70. eta 80.ko hamarkadetan, bereziki Hego Amerikan eta jesuiten eskutik. Ildoak ez zuen Vaticanoaren babesa lortu eta Askapenaren Teologiaren defendatzaileek eraso larriak pairatu zituzten, besteak beste Romero eta Ellacuriaren erahilketekin. Jose Arregi teologoarekin batera, Askapenaren Teologiaren ekarpena aztertu dugu eta, hortaz gaindi, izurrian zehar eliza katolikoak jokatutako paperari buruz mintzatu da.

Alarma-egoerak ezohiko situazioak eragin ditu, hala nola, LGTB kolektiboko pertsonak giltzapetuta egotea beren sexu- edo genero-izaera onartzen ez duten senideekin. Heteroarautik kanpo bizi diren lagunengan COVID19ak ondorio kaltegarriak izan ditzake eta horietan jarri du begirada Joseba Gabilondo Marques Hiruki Larroxa kolektiboko kideak. “Konfinamendu bikoitzaz” aritu da eta, kapitalismoa birustzat deskribatuta, sektore prekarioenen arteko aliantzan eta borroka kolektiboak gauzatzeko noranzkoan markatu du irtenbidea.

Brexitaren behin-behineko eraginak, Memoria Historikoa txerto antifaxista gisa Iñaki Lasarekin eta Ituren eta Zubietako ihauteriak aztergai

2013an Zubietako erraustegiaren eraikuntza gelditu zuten Eh Bilduko ordezkariek. EAJk eta PSEk foru aldundiaren ardura berreskuratutakoan, epaitegietara eraman zuten gaia. Espainiako Kontu Auzitegiak joan den ekainean berretsi zuen koalizioko ordezkariek zuzen jokatu zutela errauste planta geldituta eta kargugabetu egin zituen. Kontsortzioaren ondorengo helegitea ere bertan behera utzi zuen. Aste honetan, erantzukizun ekonomikoak egozteko beste bide bat hartu du Gipuzkoako Hondakien Kontsortzioak: ondare-erantzukizuneko espedientea irekitzea, hain zuzen ere.

Bilboko eta Donostiako Udalek, Bakearen eta Bizikidetzaren aldeko Topaguneak antolatuta, urteroko lore-eskaintza egin diete biktimei Kasilda Iturrizar eta Alderdi Eder parkeetan, Giza-Eskubideen Nazioarteko Eguna dela eta.

Euskal Herriko milaka ikasle kalera atera, "Indarra izan eta eman gure hezkuntzari" lelopean. Bilboko, Donostiako, Gasteizko, Iruñeko eta Baionako kaleak hartu dituzte. Bertan adierazi dutenez, hezkuntza sistema "publiko, komunitario, euskaldun eta feminista" bat eraikitzea dute helburu. Frantziar eta Espainiar estatuek "inposatutako" hezkuntza ereduak, euskalduna gutxietsi eta herriaren historia ukatzen dutela gehitu dute.