Azken bideoak: Mundua

Abenduaren 30era arte suspenditu du AEBetako presidenteak lan-oniritzien onarpena, agindu exekutibo baten pean emandako erabakiaren bidez. ‘American First’-en ikuspegitik eta bigarren agintaldirako hauteskunde-kanpainaren azken txanpan, Trumpek aurre egin nahi dio “lan-eskaintzaren beherakadari” eta atzerriko langileek galdu diren lanpostuak "betetzea" saihestu nahi du.

Polonia eta Hungariaren baiezkoa lortu eta migratzaileak hartzeko kuotak desagerraraztea helburu duen proposamena lantzen ari da Brusela. Martxoan ixtekoa zen migratzaileen inguruko Europako Batasunaren proposamena, baina Polonia eta Hungariaren jarrerak lehenik eta pandemiak ondoren atzeratu egin dituzte Bruselaren planak.

Osasunaren Mundu Erakundeak jakinarazi duenez, 183.000 positibo atzeman dituzte azken 24 orduetan. Hauetatik, 50.000 inguru Brasilen, Ameriketako Estatu Batuetan eta Indian izan dira. Erakundeak iragarri du koronabirusaren pandemia fase “berri eta arriskutsu” batean sartzen ari dela.

Amerikako Estatu Batuak kontraesanez betetako herrialdea dela ukaezina da, alegia, XVIII. mendetik argi eta itzalez betetako kondairak elikatzen ibili dira. Historiako liburuetan agertzen diren lehen konstituzioaren idazketa errepublikarra edo esklabutzaren ezabapena, muturreko kapitalismoarekin eta errotutako arrazismoarekin kontrajartzen dira. Izan ere, odolez idatzitako historia du bere atzean, Amerikako natiboen sarraskitik hasita, ingelesak eta frantsesak ostean, herrialdeko iparra eta hegoa guda zibilean eta etenik gabe bortizkeria jaso duten beltzaranak. Asko izan dira egoera honen aurrean planto egin zuten eta dutenak, eta baita ere, behartu bazituzten ere, altxatu ez zirenak; bereizketa garaian, autobus eserlekutik altxatu ez zen emakume beltza adibidez: Rosa Parks.

ABC egunkariak ziurtatu du Venezuelako Gobernuak Italiako 5 Izar Mugimendu ezkertiarra finantzatu zuela sortu zenean. Nabarmendu du egunkariak, 2010eko udan, Hugo Chavez buru zuen gobernuak hiru milioi eta erdi euro bidali zituela Milango Kontsulatura, Beppe Grillok sortu zuen alderdiarentzat. Venezuelak Espainian duen enbaxadoreak, Mario Iseak Hamaika Telebistari adierazi dionez, existitzen ez diren gertaeretan oinarritutako informazioa eman du egunkariak, eta existitzen ez diren muntatutako dokumentuei egiten dio erreferentzia.

Kim Yo-jong, Ipar Koreako liderraren arrebak, bere hitza bete du eta Ipar Koreako Erregimenak Hego Koreako Gobernuarekin komunikatzeko erabiltzen zuen lotura-bulegoa suntsitu du, leherketa batekin.