Azken bideoak: Mundua

George Floyden heriotzak Ameriketako Estatu Batuetako poliziaren arrazakeria jarri du berriro mahai gainean. Polizia zuri bat hiritar beltz bat hiltzen ikusi genuen, beste behin. Gertakariak hainbat protesta eta bestelako egoerak eragin ditu herrialdean. Covid19a ere hor dago eta horren gaineko kudeaketa berantiarra izaten ari da. Guzti horretaz aritu da Nevadan bizi den Xabier Irujo. Renoko Unibertsitatean Euskal Ikasketen zuzendaria da bera eta esan duenez, interesgarria litzateke Ameriketako Estatu Batuetan indarkeria polizialaren inguruan ematen ari den eztabaida Europara eramatea. Bestetik, arrazakeriaz hitz egitean arazo ekonomikoan jarri du fokua elkarrizketatuak.

Ostiral gauean gertatu zen Atlanta hirian. Brooks auto barruan lo geratu zen eta ibilgailuak pasabidea oztopatzen zuen. Polizia agertu zenean autotik aterarazi eta alkoholemia froga egin zioten. Gazteak positibo eman zuen. Gizonak aurre egin zien eta polizietako batek tiro egin zion.

Egiturazko krisi sakona pairatzen dute egunotan Amerikako Estatu Batuek. Covid 19 gaitzak eragindako osasun ondorio larriak eragin ditu eta alor ekonomikoan langabeziak igoera nabarmena izan du. Bestalde, indarkeria polizialak eta beltzen kontrako erasoek mobilizazio eta protesta ugari eragin dituzte. Guzti honen inguruan aritu gara Renoko Unibertsitateko euskal ikasketen buru Xabier Irujorekin batera.

George Floyden heriotzak Ameriketako Estatu Batuetako poliziaren arrazakeria jarri du berriro mahai gainean. Polizia zuri bat hiritar beltz bat hiltzen ikusi genuen, beste behin. Gertakariak hainbat protesta eta bestelako egoerak eragin ditu herrialdean. Covid19a ere hor dago eta horren gaineko kudeaketa berantiarra izaten ari da. Guzti horretaz aritu da Nevadan bizi den Xabier Irujo. Renoko Unibertsitatean Euskal Ikasketen zuzendaria da bera eta esan duenez, interesgarria litzateke Ameriketako Estatu Batuetan indarkeria polizialaren inguruan ematen ari den eztabaida Europara eramatea. Bestetik, arrazakeriaz hitz egitean arazo ekonomikoan jarri du fokua elkarrizketatuak. Honatx solasaldiaren aurrerapena.

Palestinako Aginte Nazionaleko Mohammad Shtayyeh lehen ministroak esan du mehatxu "existentzial" baten aurrean daudela eta Gazaren eta Zisjordaniaren independentzia "deklaratu" eta 1967an zituzten mugetan Palestinako Estatua aldarrikatuko dutela. Uztailaren 1etik aurreara, Tel Avivek aukera du Zisjordania ekialdeko kolonia juduetan eta Jordango haranean “subiranotasuna aplikatzeko”, Benjamin Netanyahu egungo Israelgo lehen ministroak eta Benny Gantzek koalizio gobernua osatzeko adostu zuten akordioaren arabera.

Krister Petersson Suediako fiskal nagusiak artxibatu egin du Olof Palme lehen ministroaren heriotzaren ikerketa, hilketaren susmagarri nagusia hil egin delako. Suediako Fiskaltzak Stig Enström jo du Olof Palme lehen ministroaren hiltzailetzat, ministroa hil zuten lekutik gertu lan egiten zuen publizista bat. 1986ko otsailaren 28an hil zuten Palme.