Skip to main content

Azken bideoak: Mundua

bideoa prestatzen
Derek Chauvin polizia ohiari bigarren mailako erailketa egotzi diote eta milioi bat dolarreko bermea jarri

2020-06-09
Epailearen aurretik igaro da George Floyd gizon afro-amerikarra itota hil zuen agente ohia. Bermea, milioi batekoa izateko aukera eskaini zioten auzitegiek, beti ere hainbatean behin auzitegietara joateko baldintzarekin, eta suzko armarik ez erabiltzekotan. Floyden hileta egingo da gaur Hustonen, baina hirian dago jada gorpua eta jende andana hurbildu da azken agurra ematera. Mundua astintzen ari den gertakizuna da. Minneapolisko Udal Gobernuak polizia departamendua bertan behera uzteko erabakia hartzea eragin dute, adibidez, protestek. Besteik, Estatu Batuetako Demokratek Poliziaren immunitatea murriztea helburu duen lege proposamena aurkeztu dute eta Ordezkarien Ganberan eztabaidatuko da. Frantzian, esaterako, debekatu egingo diete poliziei eta jendarmeei zibilak atxikitze aldera erabiltzen duten «itotzeko metodoa», Christophe Castaner Barne ministroak jakinarazi duenez.
bideoa prestatzen
Polizia Departamentua desegiteko eskatu du Minneapolisko Udal Gobernuak, komunitatea ez duela "babesten” argudiatuta

2020-06-08
Komunitatean oinarritutako segurtasun eredu bat ezarriko lukete Poliziaren ordez. Derek Chauvin poliziak, beste hiru kideren laguntzarekin George Floyd 46 urteko gizonezko afro-amerikarra hiltzeraino ito zuenetik, bi aste igaro dira. Harrezkero, polizia-indarkeria eta arrazakeria salatzeko protestak mundu osora hedatu dira eta izan dute eraginik. Mineapolisko Udal Gobernuko 13 zinegotzitatik 9k Polizia Departamentua desegitea onartzea ere lortu dute.
bideoa prestatzen
Hainbat erakunde "arduratuta" daude koronabirusa Latinoamerikan izaten ari den hedapenarekin

2020-06-03
Koronabirusak gutxienez 382.000 pertsona hil ditu munduan. Johns Hopkins Unibertsitateak jasotako datuen arabera, ia 6,4 milioi kasu baino gehiago zenbatu dira planeta osoan. Azken asteetan, birusa Brasilen, Perun eta Txilen ari da hedatzen gehien. Izan ere, Brasilen dagoeneko 31.199 pertsona hil dira, datu ofizialen arabera, eta Italia gainditzeko zorian dago.
bideoa prestatzen
Europako Batzordearen Next Generation EU berreskuratze-planak "baldintzak" izango ditu

2020-06-03
Koronabirusak eragindako krisiari aurre egiteko 750.000 milioi euroko plana egin du Bruselak, eta Europako Batasuneko estatu kideek zenbait baldintza bete beharko dituzte dirua eskuratzeko. Hain zuzen, Estatatu bakoitzak "inbertsio-proposamen zehatzak" biltzen dituen "plan nazional" bat aurkeztu beharko du. Batzordeak onar ditzan "lehentasuna" eman beharko diote ekonomia "berdeago" eta "digitalago" baterako trantsizioari. Batzordeak adierazi du ez dutela "zerikusirik" 2008ko finantza-krisiaren doikuntzekin.
bideoa prestatzen
Gorka Berasategi (Kazetaria): "Gobernuak iragarritako talde inmunitatetik urruti dago Suedia"

2020-06-03
Europako estatuen artean, Suediak neurri malguenak hartu ditu COVID-19aren aurka. Gobernuak erabili duen estrategia, “itxialdi adimenduna” izendatu duena, garesti ordaintzen ari da. Hilkortasun tasa handiagoa du inguruko herrialdeekin konparatuz. 35.000 kasu positiborekin eta 4.200 hildako baino gehiagorekin, munduan heriotza tasarik handiena duten estatuetan zortzigarren da. Gorka Berasategik landu du gaia.
bideoa prestatzen
Zazpigarren egunez jarraian, protestek aurrera jarraitzen dute AEBtan

2020-06-02
George Floyden erailketa salatzeko manifestazioak AEBetako hirietara zabaldu dira, eta Trumpek kontrola berreskuratu nahian, indarra erabiltzeko eskatu die estatuetako gobernadoreei.