Skip to main content

Azken bideoak: Mundua

bideoa prestatzen
George Floyden heriotza salatzeko protestak Etxe Zuriaren atarira heldu dira

2020-06-01
Washington DCn istiluak egon dira asteburu osoan zehar eta Donald Trump presidentea bizi den lekuaren inguruan poliziek gogor kargatu dute herritarren aurka.
bideoa prestatzen
Itxialdia amaitu du Portugalek koronabirusagatik hildako 1.400 pertsonarekin

2020-06-01
10,3 milioi biztanleko herrialdea izanik eta ia laurdena 65 urtetik gorakoa, esan daiteke, Europa hegoaldeko pandemiaren kudeaketaren eredu bihurtu dela. Normaltasun epe berri bat ireki da, salbuespena Lisboa izanik. Egunotan herrialde osoko kasuen % 90 erregistratu dira eta neurrien altxamenduak ekainaren 4ra arte itxaron beharko du. Antonio Costa lehen ministroaren arabera, pandemiaren kontrolaren eta ekonomiaren mantentzearen arteko orekarekin lortu da puntu honetara iristea. Martxoaren 18an hildako bakar batekin hartu ziren neurriak, oposizioak ere babestuta.
bideoa prestatzen
EH Bilduk ohartarazi du "baldintza makroekonomikoak" izango dituela Bruselak proposatutako berreskuratze funtsak

2020-05-29
Ursula Von der Leyen Europako Batzordeko presidenteak egindako proposamenean 750 mila milioi bideratzen dira koroabirusak eragindako kalteei aurre egitera, estatuentzako diru-laguntza eta maileguetan. Dirua jasotzeko jarri diren baldintza batzuk onerako direla onartu dute. Izan ere, kalitatezko enpleguan, industriaren eraldaketan, digitalizazioan, edo trantsizio ekologikoa inbertitu beharko da, besteak beste.
bideoa prestatzen
Covid 19 pandemiaren "epizentroa" bilakatu da Amerika

2020-05-28
Amerikak duela bi aste gainditu zuen Europako kutsatuen kopurua. Ameriketako Estatu Batuetan daude kontinenteko positibo eta hildako gehien, baina Osasunaren Erakunde Panamerikarrak ohartarazi du azken egunotan Latinoamerika “pandemiaren epizentro berria" bihurtzen ari dela. Hiru herrialdetako egoera "larria" azpimarratu du Carissa Etienne zuzendariak: Brasilgoa, Perukoa eta Txilekoa.
bideoa prestatzen
Next Generation EU Berreskuratze Funtsa aurkeztu du Bruselak

2020-05-27
750.000 milioi bi urtetan biltzeko proposamen bat da. Horretarako, diru laguntzetan oinarritutako da, baina maileguak ere barnean hartuko ditu. Apirilaren 24an akordiorik gabe bukatu zen Europar Batasuneko gobernuburuen bilera. Koronabirusa ekonomian eragiten ari den galerari erantzuteko funtsa transferentzietan oinarritzea eskatzen zuen Europako hegoaldeak, herrialderik kaltetuenek, eta bakarrik maileguetan oinarritzea, iparraldeak. Presidentearen esku geratu zen proposamena egitea. Krisiaren kalteak konpontzeko dirua 2021-27 aurrekontuarekin lotuta joango litzateke eta honen diru iturri nagusia estatuen ekarpena da, errenta nazionalaren araberakoa.
bideoa prestatzen
Bazterrekoak | Clara Campoamor lider karismatiko eta ausarta

2020-05-22
Askapen prozesuek antolakuntza, batasuna eta askotan, lider karismatiko eta ausartak behar izan dituzte. Clara Campoamor dugu honen adibide, Espainiako II. Errepublikako Kongresura emakumeen bozkatzeko eskubidea eraman zuena. 1933an, lehen aldiz, emakumeek bozka eman zuten Espainiako Estatuan eta Euskal Herrian.