Azken bideoak: Mundua

Inoizko okerrenean daude Europar Batasunaren eta Turkiaren arteko harremanak. Samuel Patyren heriotzaren ondoren Emanuel Macron presidenteak hartutako neurriek eta egindako adierazpenen aurrean, presidente frantziarraren buru-osasuna zalantzan jarri zuen Recep Tayip Erdogan, Turkiako presidenteak. Are gehiago, Frantziako produktuei boikota egiteko deia zabaltzen ari da Turkian.

Txilek Pinocheten garaiko konstituzioa ezeztatu du. Atzo egin zuten erreferenduma, eta botoa eman zutenen %78ak konstituzio berri bat egitearen alde bozkatu zuten. Orain, konstituzio berri hori gauzatzeko prozesu konstituziogile jarriko dute martxan.

Musukoa jantzi gabe sartu zen atzo platora Donald Trump, hauteskunde kanpainako azken debatera. Joe Biden hautagai demokratak atrilera bidean zihoala kendu zuen, kameren aurrean. Bi hautagaiak Covid-19aren aurrean izaten ari diren jarrera ezberdinaren adibide izan zen atzokoa.

Euskal Telebistako korresponsal gisa, Mikel Reparaz kazetariak AEBtako errealitatea gertutik ezagutzeko aukera izan du. Orain, bertako bizipenatik abiatuta, aurretik kontutatu gabekoak azaldu nahi izan ditu "Las grietas de América" liburuan. Gurean Gaur albistegiaren baitan, elkarrizketaren tartean, berarekin hitz egiteko aukera izan dugu.

Gaur berrekingo diete brexitari buruzko engoziaketei Londresek eta bruselak. Akordioa Urtarrilaren 1ean indarrean sartzea nahi bada, bi aste dituzte aldeek adostasunetara iristeko. Adostasunik ezean, Urtarrilaren 1etik aurrera ez lukete inolako akordio ekonomikorik izango Britainia Handiak eta Europar Batasunak.

Mikel Reparaz 'Las grietas de América' liburuaren egilea elkarrizketatu dugu Hamaika Telebistan. Raparazek nabarmendu du gatazka arraziala "bizi bizirik" dagoela AEBetan: "Estatu Batuak Erresuma Batutik independizatu zirenean, herrialde horren oinarri ekonomikoa eskulan esklaboa zen. Horrek hasiera-hasieratik gutxiengo zanpatu bat sortu zuen, eta horrek indarrean jarraitzen du oraindik". Zentzu horretan, nabarmendu du Obamaren agintaldiaren "ondorioa" izan dela Trump: "Gutxiengoek ikusi zuten, ustez, haiena zen presidenteak ez zituela bere promesak bete".