400 lagun elkartu ziren AEKa eta Korrikak Jose Luis Alvarez Enparantza Txillardegi-ri egindako omenaldian. 21.korrikak Txillardegi omendu du euskara batuaren alde egindako lanarengatik eta horrek euskararen alfabetizazioarentzat suposatu duenarengatik. Orain dela gutxi, AEK-k, Jakin aldizkariak eta Euskal Herriko Unibetsitateak elkarlanean ateratako Dabilen Pentsamendua proiektu berria argitaratu dute. Bertan Miren Rubio kazetariak Txillardegiren biografia azaltzeaz gain bere lanekin osatutako bilduma ikus daiteke. Horretaz gain, omenaldian Txillardegiri buruzko Klik Dokumentala ikusteko aukera izan zuten.