Espainiako Auzitegi Nazionalak absolbitutako 40 gazte independentistek agerraldia egin dute Iruñean, erabakiaren balorazioa egiteko. Beraien iritziz, ebazpenak agerian uzten du auzipetuetako asko torturatuak izan zirela eta 26/11 sumarioa bera ere tortura horietan oinarritu zela. Pozik agertu dira, batez ere erabakiak herritarren askoren poza sortu duelako. Horrekin batera, konponbideak berrogei militante irabazi dituela azpimarratu dute.