Gaurko ArteKale saioan jada tradizio bilakatzen ari den ekitaldi bat ekarriko dugu gogora. Bilbo Zaharra euskaltegiak antolatzen duen Klasikoen irakurketa jarraituaz aritu gara Pedro Alberdi antolatzailearekin eta Itxaro Borda idazlearekin. Gainera, komikietan emakumeak irudikatzeko erak eta emakumeek egindako lanak ezagutuko ditugu Josune Muñozen eskutik. Skolastika elkarteko kideak erakusketa bat atondu du Donostiako Komikigunean. Eta, zelan ez, asteburuko kultur proposamenak ere badakartzagu. On egin!