Ekainaren 14a gorriz zuten seinalatua Ipar Euskal Herrian. Euskal preso, iheslari eta deportatuen alde hitzordua finkatu zuten Baionan, eta horrela bete dute. "Giza Eskubideak. Konponbidea. Bakea" leloarekin bat eginez, kolore hainbateko eragile politiko eta sozialek parte hartu dute Lapurdiko hiriburuan egin den martxa jendetsuan. Milaka pertsona aldarri beraren baitan. Baionako irudiak jasotzearekin batera, eragile politiko zein sindikalen iritzia jaso dugu. Baita iheslariena.