Espainiako Estatuko presidentea irailaren 23a baino lehen aukeratu behar da. Bestela, azaroaren 10ean egingo lituzkete Espainiako Estatuko hauteskundeak. Hori saihesteko asmoz batu dira gaur Jeltzaleak eta Sozialistak. EAJ alderdiak Sanchezen inbestidura erraztuko luke, "falta diren transferentziekin aurrerapausoak ematen badituzte". Sanchezek bere proposamenak aurkeztu dizkie. Datozen egunetan argituko da azken aldian baino babes gehiago lortzen duen eta hauteskunde berriak saihesteko gai den.