Carlos Urkijo Espainiako Gobernuak EAEn duen ordezkariak, auzitara eraman du Gipuzkoako Foru Aldundia, Gure Esku Dago egitasmoari diru-laguntza emateagatik. Gipuzkoako 2014rako aurrekontuetan Gure Esku Dago erabakitzeko eskubidearen aldeko dinamikari 100.000 euro ematea adostu zuten EH Bilduk eta EAJk. Urkijok esan du agerikoa dela Espainiako zati batek, Euskal Herriak kasu, ez duela erabakitzeko eskubiderik.