Nafarroan, lehendakari izateko negoziaketekin aurrera jarraitzeko borondate irmoa erakutsi du Maria Chivite, PSNren lehendakarigaiak. Nafarroako Alderdi Sozialistaren twitterreko kontu ofizialean gaur eguerdian kaleratutako txioaren arabera: ezkertiarra eta aurrerakoia izango den gobernu bat osatzeko aukera dutela diote sozialistek, eta hartutako konpromisoa beteko dutela. Mezu horrekin batera, kanpainako ekitaldi nagusian ateratako bi argazki igo ditu Chiviteren alderdiak.